web counter
LEXO PA REKLAMA!

SHKARKO APP

App Store
Google Play

PD thumbon Ramën për check-up-in/ Urojmë të mos dalë shtatzënë

18 Tetor 2018, 15:55, Aktualitet CNA

Kryeministri Edi Rama publikoi ditën e sotme një video, ku bënte analizat e check-up-it në poliklinikën numër 9 në kryeqytet.

Në lidhje me këtë ngjarje ka reaguar deputetja e Partisë Demokratike, Albana Vokshi.

Sipas Vokshit, Rama duhet të jepte dorëheqjen për shkak të koncesionit korruptiv të check-up-it dhe jo të jepte shfaqje.

Ndër të tjera Vokshi ka uruar që epruveta me kampionin e gjakut të Ramës të mos jetë marrë mbrapsht, pasi jo pak burra kanë dalë shtatzënë.

Postimi i plotë

Në vend që të japë dorëheqjen për dështimin me turp të check up-it, Edi Rama jep shfaqje në mbrojtje të koncesionit të vet më korruptiv prej 120 milionë eurosh.

Pavarësisht manipulimeve, shantazheve dhe kërcënimit të mjekëve, vetëm 27% e shqiptarëve e kryejnë check up-in.

Partia Demokratike do ta anullojë këtë koncesion korruptiv që është baza e degradimit të sistemit shëndetësor. Paratë e përfituara në kundërshtim me ligjin nga sponsorizuesja e Edi Ramës, Vilma Nushi, do t?i kthehen qytetarëve me investime serioze që i shërbejnë realisht shëndetit të qytetarëve.

p.s. Nëse epruveta me kampionin e gjakut të Edi Ramës, nuk është marrë mbrapsht, uroj që të mos ketë gabime. Jo pak burra kanë dalë shtatzanë nga check up. Fati i keq i ndonjë tjetri, se nga analizat e gjakut, mund të rezultojë me dozë të lartë kokaine. /CNA.al





Lajmet e fundit nga