web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimi i mediave online/ OSBE letër Ramës

18 Tetor 2018, 14:25, Aktualitet CNA

Kryeministri Edi Rama u ka vënë ultimatum portaleve online, që të regjistrohen sa më shpejtë ose do të mbyllen. OSBE ka shprehur shqetësimin e saj në lidhje këtë iniciativë të Ramës. Me anë të një letre drejtuar kryeministrit, përfaqësuesi i OSBE për Lirinë e Medias, Harlem Désir, është shprehur se kjo nismë do të ketë një efekt të madh negativ në lirinë e shprehjes.

?Shtetet nuk duhet të imponojnë regjistrimin e detyrueshëm për mediat online si parakusht për punën e tyre, gjë që mund të ketë efekt shumë negativ në lirinë e medias. Kjo praktikë, kur vihet në zbatim, mund të kufizojë ndjeshëm aksesin e publikut në burime të larmishme informacioni dhe pluralizmin e zërave, si edhe gërryen të drejtën e lirisë së shprehjes dhe të informimit online?, deklaroi Désir.

Me anë të letrës, Désir kërkoi sqarime për bazën ligjore të kërkesës për publikimin e NIPT-it dhe informacion më të gjerë për kriteret, mbi bazën e të cilave janë përzgjedhur këto 44 faqe interneti.

?Është tejet e rëndësishme që të sigurohet më shumë informacion rreth objektivave të saktë të masave të shpallura, si edhe për kriteret mbi bazën e të cilave janë përzgjedhur këto 44 faqe interneti?, shtoi Désir. Më tej, ai kërkoi sqarime për bazën ligjore të kërkesës për publikimin e NIPT-it nga ana e këtyre faqeve interneti, si edhe për bazën ligjore për mbylljen e faqeve të internetit.

Désir ndër të tjera theksoi, se çdo rregullim i përmbajtjes online duhet të mbajë parasysh detyrimet ndërkombëtare, përfshirë angazhimet në kuadrin e OSBE-së.

Përfaqësuesi i OSBE, solli gjithashtu në vëmendje edhe disa rekomandime të Zyrës së tij, për mbrojtjen e lirisë së shprehjes dhe medias, si  edhe rregullimin e përmbajtjes online në Europën Juglindore. /CNA.al





Lajmet e fundit nga