web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i pengjeve nga ISIS/Putin jep alarmin, kritikon ashpër forcat amerikane

18 Tetor 2018, 15:01, Aktualitet CNA

Presidenti rus Vladimir Putin, ka kritikuar ashpër forcat amerikane, të cilat sipas tij kanë dështuar në luftën ndaj ISIS.

Sipas Putin, terroristët po vrasin çdo ditë nga 10 pengje, ku midis tyre gjenden amerikanë dhe europianë, ndërsa numri i tyre në total është 700, raporton CNBC.

Presidenti rus ka shtuar, se përballë kësaj katastrofe, forcat amerikane, të cilat pretendojnë se kontrolljnë zonën përreth lumit ?Eufrat?, të mbështetur nga forcat kurde, po qëndrojnë të heshtur ndaj krizës.

?700 pengjet e kapura në Siri nga terroristët e Shtetit Islamik përfshijnë qytetarë amerikanë dhe evropianë dhe po vriten 10 persona në ditë. Terroristët e Shtetit Islamik kanë dorëzuar ultimatume dhe kanë bërë kërkesa të caktuara, duke kërcënuar  se do të vrasin dhjetë vetë çdo ditë. Pengmarrësit tashmë kanë filluar të realizojnë kërcënimet e tyre duke ekzekutuar dhjetë pengje dy ditë më parë. Kjo është jo vetëm tmerrshme, është një katastrofë. Forcat amerikane që pretendojnë të kontrollojnë zonën rreth bregut lindor të lumit Eufrat, duke u mbështetur në forcat e armatosura kurde në terren, qëndrojnë dukshëm të heshtur rreth krizës. Disa qytetarë amerikanë dhe evropianë janë midis pengjeve. Të gjithë heshtim sikur të mos ketë ndodhur asgjë?, tha Putin. /CNA.al





Lajmet e fundit nga