web counter
LEXO PA REKLAMA!

SHKARKO APP

App Store
Google Play

Zvarritja e KLP/ SHBA-BE strategji për të mos lejuar bllokimin e SPAK

17 Tetor 2018, 08:33, Aktualitet CNA

Ndërkombëtarët janë angazhuar shumë fort që reforma në drejtësi në vendin tonë të rezultojë e suksesshme, e për këtë arsye ata kanë krijuar një plan rezervë edhe për ngritjen e organeve të reja.

Deri tani është parë një pengesë e vazhdueshme si nga politika, ashtu edhe nga drejtësia për ngritjen e Këshillit të Lartë të Prokurorisë dhe Këshillit të Lartë Gjyqësor, të cilat më pas do t?i hapnin rrugë edhe ngritjes së Strukturës së Posaçme Antikorrupsion dhe Byrosë Kombëtare të Hetimit.-shkruan gazeta Sot.

Por me qëllim që ky proces të mos zgjatet më shumë dhe SPAK të jetë gati sa më parë, SHBA-BE kanë vendosur që momentalisht të fokusohen tek ngritja e KLGJ. Deri para pak kohësh për KLGJ mungonin kandidatët nga Gjykatat e Apelit të Rretheve, por pas thirrjeve të ndërkombëtarëve, një problem i tillë u zgjidh dhe shfaqën interes dy emra: Brikena Ukperaj, e cila e ka kaluar vetingun dhe Luan Dervishi, i cili nuk ka kaluar akoma në sitë.

Ngërçi momental për konstituimin e KLGJ qëndron tek Luan Dervishi sepse duhet që më parë edhe ai t?i nënshtrohet procesit të vetingut e më pas mund të zhvillohet edhe Mbledhja e Përgjithshme e Gjyqtarëve.

Por gjatë kohës që pritet ngritja e SPAK, mund të bëhen hapa përpara edhe për ngritjen e Këshillit të Lartë të Prokurorisë. Prokurorët e Apelit të Tiranës deri tani janë bërë bashkë për të penguar ngritjen e këtij organi sepse mungon një kandidat. Por me thirrjet e vazhdueshme të ndërkombëtarëve dhe me rihapjen e garës nga Prokuroria e Përgjithshme pritet që ky problem të marrë zgjidhje gjatë kohës që pritet për ngritjen e SPAK. Sapo të sigurohet edhe kandidati i nevojshëm për Këshillin e Lartë të Prokurorisë, zhvillohet Mbledhja e Përgjithshme e Prokurorëve dhe zgjidhen 6 anëtarët që mungojnë për të vijuar më pas me ngritjen e Prokurorisë së Posaçme Antikorrupsion.





Lajmet e fundit nga