Koncesioni korruptiv i Ramës/ Si u zhvatën 300 milionë euro nga xhepat e shqiptarëve

17 Tetor 2018, 11:51, Aktualitet CNA

Partia Demokratike ka hedhur akuza të forta sot në drejtim të kryeministrit Rama në lidhje me koncesionin e Check-up.

Në një deklaratë për mediat, deputetja e PD, Orjola Pampuri deklaroi se ?që prej 31 janarit, Edi Rama ka detyruar mjekët të pranojnë të punojnë për të shtuar numrin e personave që bëjnë check up, përndryshe ata gjobiten deri në 300 mijë lekë?.

Ndërsa më tej, ajo theksoi se ?Skema që detyron mjeket dhe infermieret të punojnë për konçesionarin korruptiv synon të mbulojë dështimin e konçesionit 120 milionë eurosh.?

Gjithashtu, deputetja demokrate u shpreh se pavarësisht manipulimit të të dhënave vetëm 27 përqind e shqiptarëve rezultojnë me letra që të kenë kryer analizat e check up, ndërkohë që klientja dhe sponsorizuesja e Edi Ramës, Vilma Nushi, paguhet me miliona euro, sikur check up-in ta kenë kryer të gjithë shqiptarët.

?Edi Rama ka zgjedhur të pasurojë oligarkët e tij dhe t?u paguaja atyre të paktën 300 milionë euro.

Partia Demokratike është e vendosur të anullojë koncesionin e dështuar të check up-it dhe çdo koncesion tjetër korruptiv! ?-tha ndër të tjera deputetja e PD, Orjola Pampuri.

Deklarata e plotë:

Në datën 5 shkurt të këtij viti, Partia Demokratike denoncoi me fakte sesi Edi Rama vendosi zyrtarisht mjekët dhe qendrat shëndetësore në shërbim të konçesionit korruptiv të check up-it.

Nëpërmjet një kontrate të paligjshme, që prej 31 janarit, Edi Rama ka detyruar mjekët të pranojnë të punojnë për të shtuar numrin e personave që bëjnë check up, përndryshe ata gjobiten deri në 300 mijë lekë.

Denoncimi i Partisë Demokratike u provua i vërtetë mbrëmë, kur emisioni ?Stop? publikoi dëshmi të mjekëve që janë gjobitur, sepse nuk kanë punuar mjaftueshëm për koncesionin korruptiv të Edi Ramës.

Skema që detyron mjeket dhe infermieret të punojnë për konçesionarin korruptiv synon të mbulojë dështimin e konçesionit 120 milionë eurosh.

Pavarësisht manipulimit të të dhënave vetëm 27 përqind e shqiptarëve rezultojnë me letra që të kenë kryer analizat e check up, ndërkohë që klientja dhe sponsorizuesja e Edi Ramës, Vilma Nushi, paguhet me miliona euro, sikur check up-in ta kenë kryer të gjithë shqiptarët.

Për shkak të këtij koncesioni korruptiv dhe disa të tjerëve, shëndetësia sot është më keq.

Në vend që të investojnë për të mbajtur në Shqipëri mjekët dhe infermierët, në vend që t?u sigurojnë shqiptarëve shërbim cilësor dhe ilaçe të paskaduara, Edi Rama ka zgjedhur të pasurojë oligarkët e tij dhe t?u paguaja atyre të paktën 300 milionë euro.

Partia Demokratike është e vendosur të anullojë koncesionin e dështuar të check up-it dhe çdo koncesion tjetër korruptiv!

Me ligjin e ndryshuar antimafia, çdo pasuri dhe qindarkë e grabitur, do t?u kthehet shqiptarëve!