web counter
LEXO PA REKLAMA!

SHKARKO APP

App Store
Google Play

Betejë në kampin opozitar/ Lufta për KLSH-në, “minë me sahat”

17 Tetor 2018, 10:41, Aktualitet CNA

Zgjedhja e kreut të ri të Kontrollit të Lartë të Shtetit, duket se do të sjellë betejë të fortë në kampin opozitar. Ndërkohë që në muajin dhjetor mbaron mandat i kreut aktual të KLSH-së, Bujar Leskaj, CNA.al raportoi dy ditë më parë se dy kandidatë të mundshëm janë Helga Vukaj dhe Bahri Shaqiri.

Të dy emrat i përkasin opozitës zyrtare. Helga Vukaj, produkt i Republikës së Re, dhe ish ministre e Financave në 3 muaj bashkëqeverisje Rama-Basha. (Lexo CV e Helga Vukaj) Ndërsa Bahri Shaqiri, ish-kreu i SHISH, aktualisht këshilltar i Presidentit Ilir Meta, por një emër me eksperiencë administrative dhe mjaft me përvojë.(Lexo CV e Bahri Shaqirit)

Pra, në betejë janë dy kandidatë, por kush do e fitojë, ai i Metës apo i Bashës?

Nnga ana tjetër mund të ndodhë edhe që këto dy kandidatura të bien, pas jo pak herë ka ndodhur që emrat për të cilët përflitet fillimisht bien, por ajo që pritet është të shikojmë luftën mes Ilir Metës dhe Lulzim Bashës.

A do t?ja falë Ilir Meta, Bashës faktin që ishte gati ta kryqëzonte dhe ta fuste në burg pas marrëveshjes së 18-majit 2017, me Ramën? A do ta lejojë Meta që Basha në emër të opozitës të marrë KLSH-në, apo Ilir Meta në emër të opozitës, pra  të partisë së bashkëshortes së tij, LSI-së, parti që e themeloi vetë, të marrë KLSH-në.

Drejtimi i Kontrollit të Lartë të Shtetit me shumë gjasë do të jetë beteja e radhës mes kreut të PD, Lulzim Basha dhe presidentit Ilir Meta. Por, mesa duket lufta për KLSH-në do të sjellë edhe përplasje të forta brenda opozitës, pasi lidhur me këtë çështje ende nuk ka një konsensus. Nga PD ka edhe të tjerë pretendentë dhe beteja duket të jetë e fortë pavarësisht emrave që do të kalojë Lulzim Basha./CNA.al

Lufta Meta-Basha, për KLSH-në

Ekskluzive-Kreu i KLSH, betejë Basha-Meta/ Zbulohen dy kandidatët, ja ku shkon Leskaj





Lajmet e fundit nga