web counter
LEXO PA REKLAMA!

SHKARKO APP

App Store
Google Play

E fundit!

x

Basha të shikojë punën e vet/ PD i kundërpërgjigjet AKEP

16 Tetor 2018, 16:57, Aktualitet CNA

Autoriteti i Komunikimeve Elektronike dhe Postare (AKEP) reagoi pas akuzave të kreut të opozitës, Lulzim Basha, i cili e cilësonte këtë institucion, si policinë e mendimit të Ramës.

Në reagimin e AKEP thuhej,  se nëse do të kishte si qëllim të kërcënonte mediat online, majfton të zbatonte ligjin dhe do të mbylleshin një pjesë e madhe e tyre.

Partia Demokratike ka reaguar pas kësaj deklarate, duke thënë se AKEP po shantazhon mediat dhe vetëdeklaron se nuk ka zbatuar ligjin.

Sipas PD, kjo tregon qartë se AKEP për 5 vite nuk ka bërë asgjë dhe tashmë që kryeministri Edi Rama tund ligjin e censurës, ky institucion ka filluar raprezaljen.

Për demokratët kjo tregon se AKEP kërkon ti mbajë mediat në shantazh të vazhdueshëm.

Më tej në reagimin e PD thuhet, se ky institucion do të mbajë përgjegjësi , si polici e paligjshme e mendimit dhe shantazhuese de fakto e fjalës së lirë.

Deklarata e plotë e PD

Në reagim Drejtori i AKEP deklaron që nuk e kanë qëllim të kërcënojnë mediat se: ?..po ta kishin qëllim do të mjaftonte zbatimi i ligjit?; pra AKEP mashtron, shantazhon publikisht mediat dhe në fund  vetëdeklaron që nuk ka zbatuar as ligjin.

Po pse nuk i ka mbyllur nëse kështu e kërkon ligji?! Përse sakrifikojnë të shkelin ligjin zyrtarët e AKEP? Ka vetëm një arsye që i jep përgjigjë;  sepse i vlejnë më shumë ti kenë të shantazhueshëm!

Për më shumë se 5 vjet AKEP nuk paska zbatuar ligjin dhe tani nis raprezaljen e formalizimit sapo Kryeministri po i tund mediave ligjin e censurës. Është e qartë, Kryeministri dikton ata turren në raprezalje.  Është rrjedhimisht e pranuar që po veprojnë si Policia e Mendimit të Ramës.

Por a është vetë AKEP një shpifës që paguhet nga taksat e shqiptarëve?! A ka shpifje më të pastër se të kesh dokumentat e portaleve por   të botosh listën e portaleve të ?pa formalizuara? duke i lincuar dhe dëmtuar publikisht vetëm për të bërë policin e Ramës.

A quhet kërcënim të linçosh dhe nxjerrësh fletërrufe publike  për portalet  pa i dërguar shkresë zyrtare secilit, ndërkohë që shumica paraqitën dokumentat e formalizimit.

AKEP-i që vetëdeklaron që nuk ka bërë punën prej vitesh dhe se nuk I shërben ligjit por Ramës paska dhe fuqi t?i tregojë opozitës se si të bëjë punën!

Askush dhe për asnjë arsye nuk do amnistohet me iluzionin se ka mbrojtje politike. AKEP do të mbajë përgjegjësi si polici e paligjshme e mendimit dhe si shantazhese de fakto e fajlës së lirë /CNA.al

Regjistrimi i mediave online/ Basha akuza Ramës dhe AKEP

AKEP i ?përvishet? Bashës/ Shikoni punën tuaj





Lajmet e fundit nga