web counter
LEXO PA REKLAMA!

SHKARKO APP

App Store
Google Play

E fundit!

x

Basha sulmon Prokurorinë/ "Në Shqipëri janë vendosur dy standarte"

16 Tetor 2018, 15:41, Aktualitet CNA

Prokuroria pushoi sot hetimet për kryeministrin Edi Rama, i cili ishte kallëzuar nga opozita për ?pengim të zbardhjes të së vërtetës?, në lidhje me çështjen ?Babale?.

Sipas Bashës kjo tregon, se Prokuroria funksionon me dy standarte, pasi refuzoi të marrë gjithashtu nën hetim Drejtorin e Përgjishëm të Policisë, Ardi Veliun dhe deputetin socialist, Taulant Ballën, ndërsa dha lajmin se ish-Ministri i Brendshëm, Saimir Tahiri, e ka të justifkuar pasurinë.

Ndër të tjera kreu i opozitës shtoi, se mbi popullin organi i akuzës ushtron dhunë duke abuzuar me ligjin.

Postimi i plotë

Prokuroria ka refuzuar të hapë hetimet për Edi Ramën, edhe pse ai mashtroi publikisht se kishte bërë ekspertizë private të audiopërgjimit, me qëllim të qartë që të mbronte një kriminel dhe për të ndikuar dhe kërcënuar organet e drejtësisë që të mos hetonin. Gjithashtu, sot, prokuroria ka refuzuar të marrë nën hetim Ardi Veliun dhe Taulant Ballën.

Po sot, prokuroria ka lëshuar përmes mediave të pushtetit lajmin se Saimir Tahiri e ka të ligjshëm gjithë lluksin në të cilin jeton.

Është e njëjta prokurori që burgosi kuksianët, që burgos përditë njerëzit e thjeshtë për shkeljet më të lehta, që heton gazetarët kritikë dhe kundërshtarët politikë.

Në Shqipëri janë vendosur dy drejtësi: një për Edi Ramën dhe kriminelët dhe një tjetër për popullin. Edi Rama dhe kriminelët janë mbi ligjin, kurse mbi popullin ushtrohet dhunë duke abuzuar ligjin. Kësaj ?drejtësie? do ti vijë fundi shumë shpejt! /CNA.al





Lajmet e fundit nga