E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

Xhisiela Maloku, viktimë e Ramës dhe Bashës

28 Shtator 2018, 17:01, Aktualitet CNA

Anëtarja e Kryesisë së Partisë Demokratike Endira Bushati, ka përmes një postimi në rrjetet sociale për dhunën e ushtruar nga djali i deputetit socialist Rrahja, në dëm të Xhisiela Malokut.

Sipas Bushatit, Xhisiela është viktimë e pushtetit të Ramës dhe mendjes së tij të sëmurë.

Më tej ajo ka shtuar se fajtor për këtë ngjarje është edhe Lulzim Basha e Partia Demokratike, të cilët duhet ta kishin marrë në mbrojtje 3 muaj para.

Ndër të tjera Bushati ka thënë se Basha po e përdor Xhisielën për të bërë politikë derisa të dalë ndonjë gjë e re.

Postimi i plotë

Xhisela Maloku

Asgjë e re!

Xhisela Maloku, sido që të jenë rrethanat e ngjarjes, është viktimë!

Viktimë e bandës kriminale që sundon vendin!

Është viktimë e pushtetit që kanabizoi vendin, që falimentoi vendin me ppp, që bëri deputetë e zyrtarë trafikantë e vrasës!

Është viktimë si babai që vrau veten në burg për një faturë 30 mijë lekëshe dritash, si dy vogëlushët që vdiqën në aksident rrugës për tek babai në burg për çati pa leje, si nëna që shet sallatë jeshile pa kupon tatimor!

Është viktimë e një pushteti televiziv me lajle-lule në ekran e si shpellat e mafias në të vërtetë!

Xhisela Maloku, dhe çdo i pamundur tjetër është viktimë e pushtetit të Ramës, e mendjes së tij të sëmurë që nuk njeh as ligj e as moral, e manisë së tij për të mos lejuar askënd t?i prishë ?lustrën? që e blen shtrenjtë nga pronarët e mediave!

Por….Xhisela nuk është viktimë vetëm e Ramës!

Nëse do të kishte PD, Xhisela duhej të ishte marrë në mbrojtje që 3 muaj para së bashku me familjen, strehuar, ushqyer, asistuar juridikisht e psikologjikisht dhe inkurajuar e mbështetur për të denoncuar publikisht skandalin!

Një parti e madhe i ka gjithmonë mjetet financiare dhe burimet njerëzore për ta bërë këtë!

Por jo!

Xhisela, këto ditë është dhe viktimë e Bashës!

Basha e përdor e keqpërdor tragjedinë e saj për të shuar lajmet mbi kontratat e familjarëve të tij me oligarkët më të fuqishëm të vendit!

Basha, e përdor Xhiselën për politikën e ditës, për të shtyrë ca ditë, derisa të dalë ndonjë gjë e re!

Siç bëri me Rrugën e Kombit, Babalen, Teatrin etj….

Xhisela është disafish viktimë!

E djalit të deputetit, deputetëve të përfshirë, policëve, prokurorëve, Ramës, Bashës….

Siç, pak a shumë është çdo i pamundur në këtë vend…. /CNA.al