web counter
LEXO PA REKLAMA!

SHKARKO APP

App Store
Google Play

E fundit!

x

Gridë nuk na duhen lotët/ Kujto Merkelin dhe de Beauvoir sa herë flet për gratë

28 Shtator 2018, 16:49, Aktualitet CNA

Mbrëmjen e djeshme deputeten Grida Duma e pamë me sy të skuqur dhe të përlotur në studion e emisionit “Open”, në Top Channel.

Duma u përpoq shumë që nga sytë e saj mos të rridhnin lot, teksa fliste për dhunimin e Xhisiela Malokut. Kërkoi mbrojtje për 25-vjeçaren me sytë e përlotur, por pa derdhur lot.

Grida njihet si një feministe që ka teza të zjarrta për gratë…Por, ku ishte Grida kur Ajshe Vatës i prenë kokën edhe pse mbante një foshnje në bark në Xhafzotaj të Durrësit.

Ku ishte Duma dhe gratë e tjera deputete, kur Mirelën nga një fshat i thellë i Shkodrës e dënuan me 25  vite burg, sepse mbrojti fëmijët që i shoqi i kishte lyer me benzinë për tu vënë flakën, duke e vrarë atë për jetën e fëmijëve të saj.

Ku ishe o Gridë, kur Arielën e vranë para fakultetit të mjekësisë. U bë protestë për të, po ty nuk të pamë. Ti nuk fole në parlament as për vrasjen maturantes Xhuljeta Çunit, që e ekzekutoi ish-i dashuri si të ishte një kriminele në mes të Don Boskos.

Ti nuk fole heshte, Gridë. Një shkrimtare franceze dhe feministe e njohur, Simone de Beauvoir shkoi se nuk lindëm gra po u bëmë. Shkroi deri ditën e fundit, që gratë duhet të bashkohen e të kërkojnë të drejtat e tyre dhe të mos mjaftohen me thërrimet, që u kanë dhënë në shekuj.

Deputetja me siguri duhet ta ketë lexuar, sepse mbahet për feministe. Po mos harro Gridë, se t?i dole e u the të rinjve e rejave se edhe veshja ka ndikim në sukses dhe se është teknikë.

Nuk duhet ta kishe harruar Gridë, se de Beauvoir la një amanet për gjininë tënde para se të vdiste, ?Kurrë mos e shikoni veten si mish me forma, luftoni me dijen dhe forcën tuaj jo me veshjen?. Ky ishte amaneti që t?i nuk duhet ta kishe harruar meqë e mban veten për feministe, që lufton për vajzat, gratë dhe nënat shqiptare.

Kurse kacelarja, Angela Merkel mes parlamentit gjerman tha “Unë nuk jam këtu për gratë, por jam këtu veçanërisht për to”.

Nuk është përlotur as de Beauvoir e as Merkel, sepse gratë nuk bëhen të forta me shfaqje lotësh Gridë.

Gratë, e sidomos, ato të dhunuarat që nuk jetojnë dot të lira, që shihen si objekt i mashkullit duan t?u japësh forcë, jo shfaqje lotësh. Ndaj mos u mundo aq shumë të përlotesh Gridë dhe fol, kërko të drejta për gjininë tënde në parlament./ CNA.al

 





Lajmet e fundit nga