E fundit!

20:09 Politikë

Konferenca ndërqeveritare në Bruksel/ Kos: Mbyllja e tre kapitujve, moment i madh për Shqipërinë

Komisionerja europiane për Zgjerimin, Marta Kos ka përgëzu...

Video- Gara me makina te “Unaza e Re”/ Arrestohen dy persona

28 Shtator 2018, 15:07, Aktualitet CNA

Dy drejtues mjetesh janë arrestuar nga policia rrugore gjatë ditës së sotme. Kjo, pasi janë kapur duke zhvilluar gara me makina te Unaza e Madhe në Tiranë.

Në njoftimin e policisë shkruhet se nga kamerat spiune të policisë rrugore në akset problematike, janë evidentuar raste kur shoferët e përdorin rrugën si mjet argëtimi dhe adrenaline. Për dy orë kontrolle në rrugë, janë evidentuar 45 drejtues automjetesh në shkelje të rregullave të qarkullimit rrugor, si dhe janë arrestuar dy prej tyre.

?Duke monitoruar rrugët urbane dhe inter urbane kryesore me qëllim parandalimin e ngjarjeve rrugore të shkaktuara nga shkeljet si: Garat me shpejtësi, mos rregullimi i shpejtësisë në qendrat urbane, ngarkesat e çrregullta dhe të pasistemuara, qarkullimi në korsitë e ndërrimit të shpejtësisë, mosrespektimi i sinjaleve vertikale urdhëruese dhe kufizuese në këto rrugë, kapërcimi i rrugës nga këmbësorët jo në mbikalimet e përcaktuara etj”,- shkruhet më tej në njoftimin e policisë.

Krahas njoftimi, policia ka postuar edhe një video, ku tregohet aksioni i kryer.

Njoftimi i plotë

Tiranë

Policia Rrugore e Kryeqytetit, duke monitoruar rrugët Urbane dhe Interurbane kryesore me qëllim parandalimin e ngjarjeve rrugore të shkaktuara nga shkeljet si: Garat me shpejtësi, mosrregullimi i shpejtësisë në qendrat urbane, ngarkesat e çrregullta dhe të pasistemuara, qarkullimi në korsitë e ndërrimit të shpejtësisë, mosrespektimi i sinjaleve vertikale urdhëruese dhe kufizueze në këto rrugë, kapërcimi i rrugës nga këmbësorët jo në mbikalimet e përcaktuara etj.

Kjo ishte gama e shkeljeve të cilat u konstatuan ?? nga shërbimet e parandalimit dhe sigurisë në trafikun urban dhe ato në linja jashtë qytetit, ku përgjatë 2 orëve patrullim me përzgjedhje, nga u evidentuan dhe 45 drejtues mjetesh dhe motomjetesh në shkelje të rregullave të qarkullimit rrugor, ku rrezikshmëria është akoma më e madhe, pasi shumica e konstatimeve janë në rrugët Interurbane kryesore ku dhe shpejtësia e lëvizjes është relativisht e lartë, duke rritur ndjeshëm rrezikun e përfshirjes në ngjarjet rrugore me pasoja për jetën dhe shëndetin e përdoruesve të rrugës.

Policia Rrugore e Tiranës duke ju uruar fundjavë të mbarë apelon për zbatim të rregullave të qarkullimit rrugor, pasi shërbimet e Policisë Rrugore do jenë në shërbim me të gjitha mjetet speciale si radar, drager, dron e kamera për të evidentuar dhe ndëshkuar ata që abuzojnë duke u bërë rrezik për jetën e tyre dhe të përdoruesve të tjerë të rrugës./ CNA.al