web counter
LEXO PA REKLAMA!

SHKARKO APP

App Store
Google Play

Impianti për trajtimin e mbetjeve në Sharrë/ Malltezi zbulon prapaskenat

28 Shtator 2018, 15:24, Aktualitet CNA

Kreu i Departamentit të Mjedisit në Partinë Demokratike, Jamarbër Malltezi ka akuzuar Qeverinë dhe Bashkinë e Tiranës, për aferën korruptive me inceneratorët për trajtimin e mbetjeve në zonën e Sharrës në kryeqytet.

Nga studio e News 24, Malltezi është shprehur se kjo është një situatë anormale, pasi kompania përgjegjëse është e regjistruar në parajsa fiskale.

Sipas tij kjo është një shkelje e hapur e prokurimeve publike.

Më tej Malltezi ka shtuar se Qeveria po jep 128 milion euro nga taksat e shqiptarëve, për një projekt të pacertifikuar dhe pa referenca të çmimeve ndërkombëtare.

Ndër të tjera kreu i Departamentit të Mjedisit në PD, ka thënë se në Shqipëri po vijnë inceneratorë të përdorur.

“Kjo është një aferë e tmerrshme. Kemi një situatë anormale me një kompani të regjistruar në parajsa fiskale. Është një shkelje e ligjit të prokurimeve publike. Po vjedhin 128 milion euro nga taksat e shqiptarëve dhe nuk e botojnë në fletoren zyrtare. Qeveria po jep 128 milion euro për një projekt të pacertifikuar dhe pa referenca të çmimeve ndërkombëtare. Nuk dihet se çfarë impianti do sjellin. Po sjellin inceneratorë në fund të jetës, të cilët i lyejnë dhe i nxjerrin fringo të ri”, tha Malltezi. /CNA.al





Lajmet e fundit nga