E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Kryeprokurorja e devotshme e Krimeve të Rënda/ Arta Marku zbaton ligjin, duke e shkelur atë

21 Shtator 2018, 16:19, Aktualitet CNA

Ditën e sotme Kryeprokurorja e Përgjithshme e Përkohshme, Arta Marku në një letër drejtuar qytetarëve ka sqaruar vendimin e marrë ditën e djeshme për 10 Prokurorë të Krimeve të Rënda.

Dje Marku urdhëroi hetimin disiplinor për prokurorët: Olsian Çela, Përparim Kulluri, Behar Dibra, Sonila Muhametaj, Arenc Çela, Edvin Kondili, Pranvera Pustina, Eugen Beçi, Blerim Tominaj dhe Besim Hajdarmataj.

Kryeprokurorja e Përgjithshme e Përkohshme, e cila kur u emërua u theksua se nuk ka asnjë të drejtë të marrë vendime sepse ligji nuk e lejonte, sot shfajësohet duke theksuar se kërkon të zbatojë me çdo kusht Kushtetutën e vendit të saj.

Duke shkelur vetë Kushtetutën dhe ligjet, ajo ka vendosur edhe transferimin e tri prokurorëve në rrethe të ndryshme, me arsyetimin se kanë shkeluar ligjin duke mos pranuar të jenë pjesë e shortit për të përfaqësuar çështjen ?Shullazi? në gjykim.

?Këta prokurorë kanë vepruar në kundërshtim me ligjin që i detyron të jenë pjesë e shortit. Kjo, si dhe shkelja e rregullave të etikës, janë arsyet e vetme që më kanë detyruar që, si Prokurore e Përgjithshme e Përkohshme të qëndroj fort dhe të mos tërhiqem në zbatimin e kushtetutës dhe ligjeve të vendit tim, duke urdhëruar fillimin e hetimit disiplinor sipas përcaktimeve të nenit 160, pika 5 të ligjit nr.96/2016 ?Për statusin e gjyqtarëve dhe prokurorëve në Republikën e Shqipërisë?, ndaj këtyre prokurorëve që kanë refuzuar të ushtrojnë përgjegjësitë e tyre që ju ngarkon kushtetuta dhe ligji?,- shkruhet në letërn e Markut.

Por si mundet një Prokurore e Përkohshme që në kundështim me ligjin, të zbatojë ligje?

Vërtet Arta Marku me vullnetin e saj të devotshëm kërkon më të mirën e mundshme për popullin?

Pas vendimit të saj Opozita reagoi ashpër, duke thënë se me këtë vendim Arta Marku kërkon të nxjerrë nga burgu Shullazin dhe të mbyllë çështje që implikojnë qeverinë në afera të ndryshme.

Por siç e ka një fjalë populli ?ku ka zë nuk është pa gjë?. Arsyetim tjetër për një Prokurore të Përkohshme që kërkon të zbatojë ligjin, në kundërshtim me të, nuk ka./ CNA.al