web counter
LEXO PA REKLAMA!

SHKARKO APP

App Store
Google Play

“Vrasje, rrëmbime, drogë”/ Topalli tregon përgjegjësit e situatës në Shkodër

18 Shtator 2018, 09:02, Aktualitet CNA

Ish-nënkryetarja e Partisë Demokratike, Jozefina Topalli ka folur për situatën në Shkodër, qytet i cili për disa mandate e zgjodhi si përfaqësuese të tij në Parlament.

Në një intervistë për gazetën ?Panorama?, Topalli i ka cilësuar show mbledhjet e opozitës dhe aksionet e Policisë, duke theksuar se reagimi qytetar mungon sepse shpresa ka humbur.

?Krimi dhe pasiguria mbizotëron sot kudo. Shqipëria po rrëshqet drejt dëshpërimit.  Qytetarët dëgjojnë çdo ditë vetëm për vrasje, në një pjesë të madhe të stampës mafioze, dëgjojnë për rrëmbime personash, për marrje peng, për trupa të vdekur të gjetura pas shumë kohësh, për humbje të familjarëve, për trafiqe drogë etj. Qeveritarët ndërkohë dhunojnë çdo institucion dhe normë që i jep demokracisë një kuptim. Kjo është dëshpëruese.?-është shprehur Topalli.

Sipas, ish-kryeparlamentares Topalli, Shkodra po vuan braktisjen, papunësinë e thellë, varfërinë e madhe dhe mungesën e shpresës.

Ndërsa më tej ajo bën fajtore për situatën në Shkodër qeverinë, por edhe opozitën. Topalli theksoi se, ?krimi jo vetëm vret brutalisht si në skenat më të egra të filmave me mafie, por ai ndihet i paprekshëm. I paprekshëm se është i lidhur me pushtetin, por i lehtësuar edhe sepse nuk ka opozitë të vërtetë. Në Shkodër bënë show të dy palët. Dhe kjo është e patolerueshme. Natyrisht, që kjo pastaj u pasua me indiferencën totale të qytetarëve të saj, të cilët kanë humbur besimin.?.





Lajmet e fundit nga