web counter
LEXO PA REKLAMA!

SHKARKO APP

App Store
Google Play

E fundit!

x

Kontrolli i policisë fundos 47-vjeçarin nga Berati/ Ja çfarë iu gjet në banesë

18 Shtator 2018, 08:35, Aktualitet CNA

Një 47-vjeçar është nga Berati është shpallur në kërkim, pasi pas kontrollit në banesën etij janë gjetur 441 kg lëndë narkotike Cannabis Sattiva e përpunuar në formën e  Çokollatës , 2.5 kilogramë lëndë narkotike e dyshuar Heroinë,  një sasi e vogël  lëndë narkotike e dyshuar Kokainë, një arkë me 35 granata ofensive dhe 40 difensive.

Në njoftimin e policisë shkruhet se 47- vjeçari me inicialet L.B. jetonte në lagjen “13 Shtatori” në Berat.

Njoftimi i plotë

Finalizohet operacioni ?Kalaja??

Sekuestrohet Heroinë, Cannabis, granata difensive dhe ofensive

Shpallet në kërkim poseduesi i tyre

Në zbatim të Planit Opracional për kapjen e personave me rrezikshmëri të lartë shoqërore, të atyre që ushtrojnë veprimtari kriminale në fushën e narkotikëve, të armëmbajtjes pa leje, apo lëndëve shpërthyese, si dhe bazuar në informacionet e marra në rrugë operative, nga Seksioni Kundër Narkotikëve dhe Trafiqeve në bashkëpunim me shërbimet policore të DVP Berat u zhvillua operacionin i koduar ?Kalaja?. ku u shpall në kërkim shtetasi:

L.B, 47 vjeç, banues në Berat.

Në kuadër të operacionit u ushtrua kontroll në banesën e shtetasit L.B në lagjen “13 Shtatori” ku gjatë kontrollit u gjetën në banesë 441 kg lëndë narkotike Cannabis Sattiva e përpunuar në formën e  Çokollatës , 2.5 kilogramë lëndë narkotike e dyshuar Heroinë,  një sasi e vogël  lëndë narkotike e dyshuar Kokainë, një arkë me 35 granata ofensive dhe 40 difensive dhe peshore elektronike të cilat u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Berat për veprën penale ?Prodhim dhe shitje të lëndëve narkotike? ?Mbajtja e armëve dhe municioneve ushtarake? parashikuar nga nenet 283/1, 278 të Kodit Penal./ CNA.al





Lajmet e fundit nga