web counter
LEXO PA REKLAMA!

SHKARKO APP

App Store
Google Play

E fundit!

x

U përjashtua nga Rama/ Reagon deputeti socialist

7 Shtator 2018, 14:14, Aktualitet CNA

Deputeti socialist i Kurbinit, Gjetan Gjetani, ka reaguar pas shkarkimit nga kryeministri Edi Rama, gjatë asamblesë së partisë.

Gjetani është shprehur se vendimi i Ramës është i padrejtë.

Deputeti socialist ka shtuar, se Rama me gjestin e sotëm shtoi vetëm një dozë të arrogancës, të cilën e kanë edhe të besuarit e tij në Kurbin.

Ndër të tjera Gjetani ka thënë se  kryeministri nuk ofroi zgjidhje për Kurbinin, ndërsa shton se do të vazhdojë të ngrejë zërin për të gjitha shqetësimet.

Postimi i plotë

Vendimi i Edi Ramës, për të më larguar nga Grupi Parlamentar, është një vendim i padrejtë.
Nuk më ka bërë socialist Edi Rama, dhe nuk ka se si ai të më largojë. Socialist kam qenë në ditë të vështira të PS me familjen e njerëz të afërt të mi, dhe jo sot në pushtet kur ndahen tendera e privilegje.

Sot Edi Rama nuk ofroi asnjë zgjidhje për Kurbinin. Duke më sulmuar mua publikisht, ai as nuk shtoi investime, as vende të reja pune në Kurbin. Përkundrazi, shtoi vetëm një dozë tjetër të arrogancës së tij, arrogancë që e kanë dhe të besuarit e tij në Kurbin, dhe kjo jo vetëm nuk është ajo çfarë presin banorët me shumë halle, por vetë problemi që prodhon edhe më shumë hendek mes qeverisë dhe njerëzve.

Unë pavarësisht se si shkojnë interesat e ditës së Ramës dhe miqve të tij, do vazhdoj të jem pranë qytetarëve.
Nuk kam qenë asnjëherë i pushtetshëm, por kam qenë i vërtetë me njerëzit. Dhe do vazhdoj të ngrejë zërin, për të gjitha shqetësimet dhe problematikat që kanë qytetarët e Kurbinit, duke mos u lëkundur për asnjë arsye./CNA.al





Lajmet e fundit nga