web counter
LEXO PA REKLAMA!

SHKARKO APP

App Store
Google Play

E fundit!

x

Prapaskenat e Vettingut në politikë/ Zbulohet loja e Bashës dhe Ramës

7 Shtator 2018, 12:24, Aktualitet CNA

Kryetari i Partisë Demokratike, Lulzim Basha dje nga Elbasani prezantoi platformën opozitare, me katër pika, ku ndër të tjera kërkonte edhe Vetting për politikanët.

Menjëherë pas propozimit të Bashës, reagoi kreu i qeverisë, Edi Rama, i cili nëpërmjet një postimi në rrjetet sociale u shpreh i gatshëm të ulet me PD-në dhe ta bisedojnë çështjen në fjalë.

Të tërë në dukje, shprehen dakort që të bëhet Vettingu në politikë. Por, të gjithë gënjejnë, sepse ka një detaj: Nga viti 1995 në Shqipëri ekziston ligji për deklarimin e pasurive dhe sot ne jemi në vitin 2018.

Çdo politikan, që nga viti ?95 deri në 2018 ka dorëzuar deklarimin e pasurisë. Sot po bëhet Vettingu i gjyqtarëve mbi deklarimin e pasurisë dhe të dhënat e DSIK-së. Pra, mbi pasuritë që kanë deklaruar gjyqtarët dhe prokurorët dhe mbi të dhënat konfidenciale që kanë siguruar nga agjencitë e sigurisë dhe informacioni i klasifikuar.

Në këto dy mënyra sot po hiqen gjyqtarët të cilët po na dalin me dhurata, me pasuri të dhuruara nga motra, nga vëllai etj.

Pse për politikanët duhet bërë një ligj i veçantë për Vettingun, kur mjafton të heqësh Shkëlqim Ganajn, kreun e ILDKPI-së, ta kthejnë institucionin në shinat e ligjit dhe kjo mjafton për të bërë Vettingun. Kontrollit i nënshtrohen të gjithë shtetasit, të ardhurat, shpenzimet, taksat që paguajnë etj.

Hapni pasuritë e politikanëve, të cilat në fakt më shumë sesa të hapura janë të fshehura. Sa pasuri kanë pasur kur kanë hyrë në politikë, sa kanë deklaruar, cili ka qënë burimi i të ardhurave të tyre. Sa taksa kanë paguar për ato pasuri që kanë krijuar përpara se të hyjnë në politikë, cilat janë të ardhurat e tjera që këta kanë siguruar gjatë kohës që kanë qënë në politikë.

Përtej kësaj, për çdo pasuri të dhuruar nga motra, vëllai, nga tezja etj, mjafton që të verifikohen ata dhe të ardhurat që kanë pasur dhe Vettingu për politikanët është thuajse i bërë. Por, mungon vullneti ligjor, dhe kjo që duan të bëjnë është më shumë një amnisti për të shpëtuar lëkurën.

Vetting për politikanët është gati. Mjafton që ILDKPI-ja të kthehet në një institucion funksional. Në rast se nuk e bëjnë dot me ILDKPI-në, le të krijojnë një institucion të pavarur, i cili të marrë këto deklarime pasurish. Por, të gjithë ata që janë marrë me politikë dhe kanë deklaruar pasuri apo çetat e tyre, të gjithë duhet të përfundojnë burgjeve dhe nuk beson më njeri në Shqipëri, që do të bëhet një ligj që do të fusë në burg Lulzim Bashën, Edi Ramën apo Ilir Metën./ CNA.al





Lajmet e fundit nga