E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Skandali i ligjit të Bashës/ Gjashtë pikat që flasin kundër Vettingut të politikanëve

7 Shtator 2018, 17:21, Aktualitet CNA

Kreu i opozitës, Lulzim Basha prej disa ditës e ka ngritur zërin si rrallë herë më parë, duke deklaruar se politikanët shqiptarë do ti nënshtrohen Vettigut.

CNA.al sjell gjashtë pika që faktojnë se Basha nuk po kërkon të bëjë Vetting por po kërkon të dobësojë ligjin e dekriminalizimit që as ai e as Rama nuk e duan.

Basha këtë gjë po e bën duke shkruar në çështje formularësh siç ka ndodhur edhe me projektligjin dhe relacionin e siguruar nga CNA.al.

Theksojmë se ne nuk jemi juristë, por gazetarë dhe në gjykimin tonë, këto janë gjashtë pikat që tregojnë se Basha ka vetëm një qëllim, të dobësojë ligjin e dekriminalizimit.

Pika e parë:

Deputeti i Kuvendit të Shqipërisë, kryetari i bashkisë dhe çdo drejtues ose anëtar i institucioneve kushtetuese dhe ligjore që emërohen në detyrë me votim nga Kuvendi, përfshirë funksionin e Kryeministrit apo anëtarit të Këshillit të Ministrave, i nënshtrohen procesit të kontrollit të pastërtisë së figurës.

Pika e dytë:

Subjektet e parashikuara në pikën 1, dorëzojnë një deklaratë dhe i nënshtrohen një kontrolli të figurës, me qëllim identifikimin e atyre që kanë kontakte me persona të përfshirë në krimin e organizuar. Kontrolli i figurës për lidhje me personat e përfshirë në krimin e organizuar bazohet në deklaratën për figurën dhe prova të tjera, përfshirë vendimet e gjykatave shqiptare ose të huaja. Deklarata mund të përdoret si provë vetëm në këtë proces dhe në asnjë rast gjatë një procesi penal.

Pika e tretë:

Nëse subjekti i përmendur në pikën 1 ka kontakte me persona të përfshirë në krimin e organizuar zbatohet prezumimi në favor të masës së ndalimit për t?u zgjedhur apo emëruar në funksionin publik, mbarimit të mandatit apo shkarkimit nga detyra, dhe subjekti ka detyrimin të provojë të kundërtën.

Pika e katërt:

Nëse subjekti i përmendur në pikën 1, nuk e dorëzon në kohë deklaratën për figurën, apo përpiqet të bëjë deklarime të pasaktë, ose të fshehë kontaktet me persona të përfshirë në krimin e organizuar, zbatohet prezumimi në favor të masës së ndalimit për t?u zgjedhur apo emëruar në funksionin publik, mbarimit të mandatit apo shkarkimit nga detyra, dhe subjekti ka detyrimin të provojë të kundërtën.

Pika e pestë:

Kur subjekti i përmendur në pikën 1, nuk justifikon ligjshmërinë e pasurisë sipas vendimit të organit përgjegjës kushtetues, zbatohet masa e ndalimit për t?u zgjedhur apo emëruar në funksionin publik, mbarimit të mandatit apo shkarkimit nga detyra.

Pika e gjashtë:

Kushtet, rregullat dhe organet përgjegjëse për zbatimin e mekanizimit të garantimit të integritetit të figurës së funksionarit publik, përcaktohen me ligj të miratuar me tri të pestat e të gjithë anëtarëve të Kuvendit.

Në përfundim të gjithë kësaj mund të ngrihet pyetja se meqë në fakt pranohet që ligji dekriminalizimit nuk paska funksionuar, pse nuk propozohen amendamente për të forcuar ligjin e dekriminalizimit?!

Por kjo nuk është e vetmja pyetje sepse në projektligjin dhe relacionin e Bashës nuk janë bërë të qarta disa që kanë patur nevojë për interpretim.

Por për të marrë përgjigjen e këtyre pyetjeve duhet të presim sepse siç e ka zakon Basha pyetjeve me peshë ose i shmanget ose u kthen përgjigje me hapin e breshkës. / CNA.al