Përtej kontinentit për pak ditë! Personazhet që iu larguan Europës për të kaluar pushime të paharrueshme

7 Shtator 2018, 07:53, Lifestyle CNA

Nëse do të flasim për pushimet le të themi se ne ndjekësit e personazheve të njohur të ekranit kemi vizituar shumë vende të botës këtë verë. Ka pasur nga ata që shijuan mrekullitë e brigjet e zonave malore shqiptare, ata që i qëndruan besnikë plazheve të Europës dhe disa të tjerë që vendosën të ekploronin kultura të reja përtej oqeanit apo përtej kontinentit europian.

Aulona Musta

Aulona Musta e provoi edhe Shqipërinë, edhe Europën duke shijuar disa ditë pushimi në Lefkadha të Greqisë por për herë të parë eksploroi Kubën. Moderatorja e njohur e ?Thumb? bashkë me bashkëshortin e saj vendosën që këtë vit pushimet e përvitshme çift ti kalonin në Havana. Udhëtimi dhe ekplorimi i vendeve e kulturave të reja është një pasion i Aulonës dhe në ditët që ajo kaloi në Kuba u përpoq të shihte sa më shumë bukuri të këtij vendi duke shëtitur për orë të tëra përreth qytetit, duke shijuar brigjet me ujin kristal, mbrëmjet me muzikën karakteristike kubaneze të këtij vendi apo festat në natyrë aty ku njerëzit vetëm shijojnë momentin.

Blendi Fezviu

Blendi Fezviu është një nga personazhet që udhëton më së shumti jo vetëm gjatë verës. Destinacioni i tij i fundit ishte Azia, saktësisht Abu Dhabi, apo Koreja e Jugut. Si ekplorues i vërtetë gazetari i njohur i pëlqen gjithnjë e më shumë të njohë kultura të reja, ti lidh ato me të kalurën historike dhe me ngjarje që kanë shënuar ndryshime të mëdha siç ishte vizita e tij në afërsi të kufirit midis Koresë së Veriut dhe Jugut zona e deminitarizuar mes dy Koreve. Blendi sigurisht që nuk e humbi mundësinë të shkrepte një foto me lokomotivën e fundit që kaloi kufirin në vitin 1953 në të cilën dukeshin qartë gjurmët e plumbave.

Luana Vjollca

Luana Vjollca aktualisht është duke kaluar disa ditë pushimi në kontinentin aziatik edhe pse është përpjekur që të mos zbulojë shumë në rrjetet sociale. Përpara se të nisë një sezon të ri televiziv me ?Shiko kush Luan?, moderatorja është duke shijuar pushimet larg Shqipërisë. Madje ajo ka tërhequr edhe vëmendjen e mediave në atë vend të cilët ditën e djeshme i kishin dedikuar një artikull vlerësues.

Drini Zeqo

Drini Zeqo ndryshe nga vitet e tjera këtë verë zgjodhi që të mbathte një palë atlete, një çantë shpine dhe të eksploronte vende dhe kultura të reja. Destinacioni i Drini që prej korrikut ka qenë Afrika. Kenia ishte një nga vendet në të cilat Drini u argëtua më së shumti duke njohur botën shtazore të cilën mund ta shohësh vetëm në këtë vend. Një gjirafë, një gazelë, një feline, një zjarr i madh në pyll, një agim i shijuar ndryshe, shtëpia e Freddie Mercury, veshja dhe kultura e Afrikës e sidomos shtëpitë e tyre janë disa nga gjërat që Drinit i bënë më së shumti përshtypje dhe i dhanë një kuptim ndryshe pushimeve të tij.

Olta Boka

Olta Boka është shprehur se po shijon pushimet më të bukura që ka kaluar ndonjëherë. Destinacioni i përzgjedhur prej saj ishte Singapore të cilin ajo e ka shfrytëzuar jo vetëm për të kaluar një verë të paharrueshme por edhe për të njohur kultura të reja, vende të pa eksploruara, e sigurisht testimi i ushqimit.

Fatma Methasani

?Moderatorja e ?Fun Day? Fatma Methasani ka zgjedhur Tailandën për të kaluar pushimet e kësaj vere. Çdo aventurë në një parajsë si Tajlanda Fatma e ka ndarë me ndjekësit e saj në Instagram brigjet me ujin e kristaltë apo kopshtet zoologjike. Në vendet të tilla njeriu ndihet më afër se kurrë me natyrën ndaj dhe ia vlen 100% të shpenzosh aty të gjitha ditët e pushimeve.