web counter
LEXO PA REKLAMA!

SHKARKO APP

App Store
Google Play

Ky objekt që të gjithë e prekim në aeroport është disa herë më i pistë se një tualet

6 Shtator 2018, 10:05, Lifestyle CNA

Në jetën tonë të përditshme mendojmë se tualeti është i vetmi që përmban më shumë mikrobe se çdo gjë, por studime të ndryshme na kanë vërtetuar se objekte apo sende të tjera përmbajnë më shumë mikrobe edhe se sa tualeti.

Një studim i bërë së fundmi ka zbuluar se koshat në të cilat ne vendosim gjërat tona gjatë kontrollit në aeroport përmbajnë shumë herë më tepër mikrobe se sa një tualet.

Kjo do të thotë se çdo herë që ne kalojmë sendet tona personale, përfshirë dhe telefonin tonë celular, i cili prek edhe fytyrën tonë, ne biem në kontakt me mijëra mikrobe.

Studimi i botuar në revistën ?BMC Infectious Diseases? thotë se studiuesit kanë gjetur praninë e viruseve në 10% të sipërfaqeve që ata testuan, të cilat përfshijnë makinat e çekimit të kartave, mbajtëset anësore të shkallëve, sportelet e kontrollit të pasaportave, zonat e lojërave të fëmijëve, ajrin dhe koshat e vendosjes së sendeve gjatë kontrollit në aeroport.  Nga studimi rezultoi se pikërisht në këtë të fundit kishte më shumë mikrobe dhe virusi më i zakonshëm quhej rhinovirus.

 

Ndërkohë studiuesit po vazhdojnë hulumtimet për të gjetur një mënyrë për ta minimizuar sa më shumëmrrezikun që na vjen nga kontakti me këtë objekt.

?Ky studim mbështet rastin për ndërgjegjësimin më të mirë të publikut rreth mënyrës se si përhapen infeksionet virale?, tha Jonathan Van Tram, një studiues i përfshirë në studim.

Ky studim sugjeron aeroportet që të ofrojnë sterilizues për duart pasi të preken sipërfaqe të tilla.

Tashmë të gjithë kemi një arsye më shumë për të mos marr sende me vete ndërsa do të udhëtojmë me aeroplan, duke bërë të mundur që thjesht të kalojmë përmes sigurisë dhe nuk prekim sipërfaqet përreth nesh.





Lajmet e fundit nga