web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen emrat e të arrestuarve/ Kush janë 4 "të fortët" e Shkodrës

6 Shtator 2018, 08:32, Aktualitet CNA

Policia e Shkodrës në një konferencë për shtyp ka zbardhur detaje nga aksioni i mbrëmshëm. Sipas policisë, është ushtruar konktroll në 20 banesa dhe lokale, duke arrestuar edhe 4 persona.

Në pranga ranë Ilir Rustemi 42 vjeç, Emrah Plaku 22 vjeç, Astmet Bilali 29 vjeç dhe Erogen Brajoviç.

Gjithashtu në cilësinë e provës material, policia ka sekuestruar 2 kallashnnikovë, 6 mjete të blinduara, karta dhe telefona celularë.

Nëpërmjet metodave të hetimit po punohet për zbardhjen e ngjarjeve kriminale ku të arrestuarit janë implikuar.

Komunikata e policisë

?Forca e Ligjit? në veprim, goditen disa pjestarë të grupeve kriminale në Shkodër. Pas një hetimi intensiv disa mujor mbi veprimtarinë e grupeve kriminale në qarkun Shkodër, zhvilluar këto hetime në kuadër të Operacionit ?Forca e Ligjit?, si dhe në funksion të hetimeve të ngjarjeve të fundit kriminale të ndodhura në këtë qytet, Policia e Shtetit, përkatësisht Drejtoria Vendore e Policisë, Departamenti i Policisë Kriminale në Drejtorinë e Përgjithshme, Forcat speciale RENEA, FNSH, Trupat e posaçme operacionale në bashkëpunim me Organin e Prokurorisë, kanë arritur të ndalojnë dje në qytetin e Shkodrës disa elementë me rrezikshmëri shoqërore të lartë, anëtarë të grupeve kriminale aktive në këtë territor, por edhe me gjërë.

Veprimtaria hetimore disa mujore e Policisë së Shtetit e zhvilluar në këtë kuadër ka konsistuar në përgjimin, ndjekjen dhe gjurmimin e këtyre elementeve kriminal si dhe mbledhjen e të dhënave në rruge operative me qellim evidentimin sa me të plotë dhe sa me të qartë të veprimtarisë kriminale të personave të dyshuar për kryerjen e kësaj veprimtarie. Bazuar në 19 urdhra kontrolli të miratuar me vendim gjykate Policia e Shtetit ushtroi kontrolle në 20 banesa e lokale tregetare të perdorura prej personave të dyshuar si anëtarët të grupeve kriminale. Operacioni nisi dje rreth orës 02:30 të mëngjesit. Gjatë këtij operacioni u arrestuan 4 persona, 1 është në kërkim. Të arrestuar janë : ? Ilir Rustemi (Bajri), 42 vjeç, lindur e banues në Dobraç, Shkodër; ? Emrah Plaku, 22 vjeç, lindur e banues në Shkodër; ? Astmer Bilali, 29 vjeç, lindur e banues në Shkodër; ? Erogen Brajoviç, 36 vjeç, lindur e banues në Shkodër; Gjithashtu janë sekuestruar armë, municione, mjete të blinduara dhe sende të tjera të poseduara në mënyrë të paligjshme.

Konkretisht janë sekuestruar: ? 3 armë zjarri, (2 kallashnikovë dhe 1 pistoletë); ? 6 mjete të blinduara; ? rreth 800 fishekë; ? 1 armë e ftohtë ? 10.500 euro; ? 3 makina lojërash fati; ? njësi kompjuterike, DVR, CD dhe USB; ? telefona celularë dhe karta telefonike; ? 2 veshje antiplumb. Policia e Shtetit, nën drejtimin e Prokurorisë po vijon veprimet përkatëse proceduriale me këtë rast për të zbardhur rolin dhe aktivitetin anti-ligjor të të dyshuarve dhe disa personave të tjerë të lidhur me ta. Ne deshirojme të falenderojmë shumë perzemersisht qytetarët e Shkodrës për mbeshtetjen që na japin cdo ditë në ushtrimin e detyrës sonë të vështirë dhe vecanerisht për qetësinë dhe mbeshtetjen që na dhanë gjatë këtij operacioni. Ne i sigurojmë qytetarët e Shkodrës dhe gjithë Shqiperisë se do të vazhdojmë të jemi të angazhuar për të garantuar qetësi, rend e siguri për ta duke goditur me ashpërsin e forës së ligjit cdo individ të përfshirë në aktivitet kriminal.

Operacioni ?Forca e Ligjit AKSIONI Kur e gjithë vëmendja e Policisë së Shtetit është përqendruar në Shkodër, për goditjen e bandave kriminale, detaje rreth operacionit në fjalë pritet të zbulohen nga vet blutë. Përmes një reagimi në ?Facebook? policia njofton se në orën 10:15 minuta do të mbahet një konferencë për shtyp pas aksionit të djeshëm që u finalizua me arrestimin e 4 personave, ndërsa u sekuestruan 5 makina të blindura, të cilët u përkasin familjeve Lici dhe Bajraj. ?Sot ne orën 10:15 minuta, nga Policia e Shkodres, per rezultatet e operacionit te zhvilluar oret e fundit per goditjen e elementeve me rrezikshmeri shoqerore. Konferenca do te jete live ne faqen e fb te Policise se Shtetit?, thuhet në njoftimin e Policisë së Shtetit./CNA.al





Lajmet e fundit nga