web counter
LEXO PA REKLAMA!

SHKARKO APP

App Store
Google Play

E fundit!

x

Thellohen përplasjet për KED/ Meta bllokon inspektimet në gjykata për aferat me vendimet?

6 Shtator 2018, 07:42, Aktualitet CNA

Thellohen akoma dhe më tej përplasjet sa i takon Këshillit të Emërimeve në Drejtësi.

Momentalisht KED është me 4 anëtarë, pasi 5 të tjerë u shkarkuan nga Vettingu. Kryeparlamentari Ruçi i ka kërkuar disa herë Metës që të hedhë shortin për vendet vakante, por Meta e ka refuzuar.

Gazeta Sot shkruan se ka siguruar informacione më të plota mbi debatin mes palëve dhe sinjalet janë se KED do qëndrojë e bllokuar deri në muajin dhjetor.

KED është organi kryesor që përzgjedh gjyqtarët e Gjykatës Kushtetuese dhe duke qenë se kjo gjykatë është në ngërç, Ruçi i ka kërkuar Metës të ndërhyjë, pasi sipas tij KED nuk merr dot vendim, për faktin se shumica e anëtarëve janë djegur nga Vettingu.

Pyetja që shtrohet është se çfarë i kushton presidentit të hedhë shortin për vendet vakante? Dyshimet janë nëse bëhet fjalë për një lojë të fortë politike që drejtësia të qëndrojë në kolaps dhe kjo të rrisë kostot e mazhorancës. Sa më gjatë e mban Meta të bllokuar KED, aq më shumë thellohet kriza në kushtetuese. Por nga ana tjetër, kreu i shtetit bllokon dhe inspektimin në gjykata.   Por një detyrë tjetër të rëndësishme ka dhe për emërimin e Inspektorit të Drejtësisë. Deri në vitin 2016 inspektimet në gjykata bëheshin nga Ministria e Drejtësisë dhe Inspektorati i KLD. Por prej dy vitesh nuk bëhet asnjë inspektim. KLD që drejtohet po nga Meta ka pezulluar kontrollet e gjyqtarëve, edhe pse ka shumë ankesa për abuzime me vendimet e tyre. Argumentet e tyre janë se Kushtetuta ja ka kaluar këtë kompetencë Inspektorit të Lartë të Drejtësisë. Por sipas Kushtetutës, është KED që rendit kandidatët për Inspektor. Për sa kohë Meta e mban të bllokuar Këshillin e Emërimeve në Drejtësi, aq më shumë gjykatat vijojnë të jenë jashtë kontrollit, pasi askush nuk i kontrollon.





Lajmet e fundit nga