web counter
LEXO PA REKLAMA!

SHKARKO APP

App Store
Google Play

E fundit!

x

Bashkia e Tiranës mashtron qytetarët/ Ndërtoi fabrikën në vend të këndit të lojrave

5 Shtator 2018, 21:52, Aktualitet CNA

Fabrika e asfaltit në Allias ishte kthyer në një kërcënim për banorët, të cilët bënë denoncimin tek emisioni ?STOP?, disa muaj më parë. Më 24 janar të 2018-ës, drejtori i Drejtorisë së Përgjithshme të Mirëmbajtjes, Elton Kacidhja, tha se fabrika do të zhvendosej nga kjo zonë e populluar.

Kacidhja kishte premtuar se fabrika do të zhvendosej në një vend të përshtatshëm, ku nuk ndotej ambienti dhe as nuk rrezikohej shëndeti i njerëzve.

Vendodhja e re u mbajt e fshehtë, por ?STOP? zbuloi se fabrika është zhvendosur në Pezë-Helmës.

Kjo gjë nuk u prit mirë nga banorët, të cilët ndjehen të mashruar, pasi u ishte premtuar një kënd lojrash dhe më pas u ndërtua fabrika e asfaltit.

Ata treguan se do të ndjekin rrugët ligjore, pasi protestat ranë në vesh të shurdhët.

Ndërkohë pranë fabrikës së asfaltit në Pezë-Helmës, ndodhet një serë me fruta perime dhe një shkollë 9 vjeçare, nxënësit e së cilës janë ankuar për dhimbje koke nga ndotja.

Në lidhje me këtë ngjarje ka reaguar edhe avokati i njohur Altin Goxhaj, i cili ka zbuluar se juristët e bashkisë kanë gënjyer në sallën e gjyqit, pasi pretenduan se kishin një leje për prodhimin e asfaltit.





Lajmet e fundit nga