web counter
LEXO PA REKLAMA!

SHKARKO APP

App Store
Google Play

E fundit!

x

Basha e thotë copë/ Do vazhdoj të fle dhe të shkërmoq Partinë Demokratike

5 Shtator 2018, 19:26, Aktualitet CNA

I ftuar në emisionin “Fakt” në Syri.net të Çim Pekës, kryetari i Partisë Demokratike Lulzim Basha në një intervistë gati të përgjumur, ku sa dhe moderatorit gati iu hap goja dhe po e zinte gjumi, në gjithçka tha nuk përbëri lajm.

Në një intervitë ku ndoshta për Kosovën kishte më shumë qëndrime dhe më shumë sesa lideri i opozitës ishte papagalli i konferencave për shtyp dhënë nga selia blu dhe nuk tha asgjë të re.

Vazhdoi përmendi Fatmir Xhafajn, Jurges Çyrbjan, Taulant Ballën, fakte, prova apo denoncime që Partia Demokratike dhe deputetët e saj i kanë bërë disa herë, ndoshta më dhjetëra herë.

Këto tha dhe Basha sot në emision. Doli, përsëriti ato çka kanë thënë vartësit e tij dhe asgjë më tepër. Nuk mundi dot të prodhonte as lajm. Ndoshta i vetmi lajm është ai që do vazhdojë të flejë gjum.

I pyetur nga gazetari se çfarë do të bëte ai e tha shqip dhe fort, do të bëj atë që kam bërë që ditën e parë si kryetar i PD-së. Pra në këto pesë vite nëse do të bëjëm një analizë të Lulzim Bashës, ai do vazhdojë të flerë gjum. Do vazhdojë të shkatërrojë PD-në, ta coptojë atë. Sepse në 5 vite, PD është më e vogël, rreth 230 mijë vota më pak.

Se pesë vitë më parë, PD ka më pak njësi vendore ka humbur shumë e shumë bashki që i ka patur bastione. PD jo vetëm është më e vogël dhe më e rrudhur, por PD nuk ka më elitë. Po përfaqësohet nga njerëz qesharakë dhe sharlatanë.

Përtej skandaleve të qeverisë të pafundme që ashtu sikurse e tha dhe vetë në emision, që qeveria duhet të kishte rënë, ajo qëndron në këmbë. Qeveria qëndron në këmbë jo për faj të shqiptarëtve, por për përgjegjësi të Lulzim Bashës. Sepse është një kryetar partie i pabesueshëm, e ka ndërtuar një opozitë të përgjumur e të dobët.

Basha sot tha se do të vazhdonte ta bënte atë që ka bërë që me ditën e parë të ardhjes në krye të PD-së, pra do të flinte gjum siç ka fjetur. Do vazhdonte të shkonte në Hollandë ashtu siç ka bërë deri më sot. E ndërkohë që shqiptarët presin të shohin alternativë, presin që të dëgjojnë programe, të shohin aksione, Basha ju thotë se do të bëjë atë që ka bërë këto pesë vite. Përçarjen e PD-së, coptimin e saj, humbjen e saj të njëpasnjëshme si dhe depersonalizimin e kësaj force politike që simbolikë ka pasur lirinë dhe demokracinë.

PD tani është kthyer në pronë të sharlatanëve dhe figurave të parëndësishme politike, të cilët më shumë janë objekte qesharake në rrjetet sociale sesa përfaqësues të qytetarëve.

Sot Basha të paktën e prodhoi një lajm duke qenë i sinqertë që do vazhdojë të bëjë këtë që ka bërë këto pesë vite. Rrudhjen e  PD-së dhe që të flerë gjum. Ndoshta ai e ka ndarë mendjen, qëllim është shkatërrimi i PD-së, ndoshta nuk do të ndalet në këtë mision të tij, ndoshta ky është shërbimi më i mirë që i bën Edi Ramës dhe qeverisë në pushtet.

E çfarë mund të bënte tjetër Lulzim Basha, çfarë mund të thoshte tjetër. A mund të thoshte që PD mund të ndryshojë të kishte një elitë të re, të ketë bashkëpunim, do të bëhet më e fortë, do të ketë një aksion të fuqishëm, do të përballet dhëmbë për dhëmbë me qeveinë, por jo.

Basha nuk e tha këtë. Ai ishte gati të vinte në gjum dhe moderatorin e emisionit Çim Pekën që disa herë iu hap goja dhe gati i ra koka në tavolinë. Luli nuk zhgënjeu tha se do të bënte atë që ka bërë për 5 vite. Ajo që ka bërë ai për këto pesë vite është përgjumja dhe shkatërrimi i PD-së dhe asgjë më shumë sesa kaq.

Coptimi, ndarja e saj do vazhdojë e qetë si ditën e parë. Basha nuk zhgënjen edhe atëherë kur shumë faktorë e shohin me synë e shpresës dhe kërkojnë ta ndihmojnë, ai nuk do askënd afër, ai do të flerë gjum. Do që të çojë deri në fund misionin e tij dhe të lerë në pushtet Edi Ramën. /CNA.al





Lajmet e fundit nga