web counter
LEXO PA REKLAMA!

SHKARKO APP

App Store
Google Play

E fundit!

x

Breshëri plumbash në derën e shtëpisë/ Si u ekzekutua i riu

6 Shtator 2018, 06:49, Aktualitet CNA

Të tjera detaje kanë dalë në dritë nga ngjarja e rëndë, e cila tronditi Mamurrasin mëngjesin e sotëm.

Mësohet se 27-vjeçari Indrit Pepa është qëlluar me breshëri automatiku, sapo ka dalë nga shtëpia.

Ngjarja e rëndë ka ndodhur rreth orës 04:30, afër xhamisë së qytetit, ndërsa policia është njoftuar nga banorët e zones, të cilët janë zgjuar të tmerruar nga breshëritë e automatikut.

Po ashtu mësohet se familja e viktimës ishte e ngujuar për gati 5 vite për shkak të konflikteve të hershme të 27-vjeçarit me një shtetas.

Uniformat blu bëjnë të ditur se është identifikuar autori i  dyshuar i krimit, shtetasi me inicialet A.M., 49 vjeç. Ky i fundit u shpall në kërkim. Viktima mësohet se të shumtën e kohës ishte jashtë vendit dhe se nuk njihej shumë nga banorët e zonës.

Deklarata e plotë e policisë:

Sot, rreth orës 04:30, është marrë njoftim se në Mamurras, afër xhamisë së qytetit, është plagosur me armë zjarri shtetasi I.P. 27 vjeç, banues në Mamurras, i cili është transportuar për në Spitalin e Traumes në Tiranë, por rrugës ka ndërruar jetë.

Falë veprimeve të shpejta hetimore, u bë i mundur identifikimi i autorit të dyshuar shtetasit A.M. 49 vjeç, banues në Mamurras i cili u shpall në kërkim dhe punohet për kapjen e tij.

Grupi hetimor në vendngjarje nën drejtimin e Prokurorisë së Rrethit Gjyqësor Kurbin, vazhdojnë hetimet për zbardhjen e plotë të rrethanave të ngjarjes.





Lajmet e fundit nga