web counter
LEXO PA REKLAMA!

SHKARKO APP

App Store
Google Play

E fundit!

x

Kërkohet Vettingu i politikës/ Zbardhen katër pikat e platformës opozitare

6 Shtator 2018, 08:57, Aktualitet CNA

Opozita ka vendosur të bojkotojnë për të dytën herë radhazi seancën plenare, për t?u zhvendosur në një tjetër qytetet, pas Shkodrës në Elbasan, duke e vlerësuar këtë të fundit si qytetin e dytë në vend ku sipas tyre fshihen lidhjet e forta krim-qeveri.

Gjatë fjalës së tij nga Elbasani, kreu i PD, Lulzim Basha ka zbuluar katër pikat kryesore ku mbështetet platforma opozitare.

?Dekriminalizimi i plotë përmes Vettingut të politikës. Çlirimi i politikës nga krimi. Zgjedhje të lira dhe demokratike, ku të vendosin qytetarët.  Ekonomi e çliruar nga monopolet dhe oligarkët. Këto janë katër objektivat e platformës së opozitës?-tha ndër të tjera Basha.

Partia Demorkatike do të depozitojë në Kuvend disa amendamente kushtetuese që mundësojnë zbatimin e procesit të vettingut edhe për politikanët dhe zyrtarët e lartë publikë.

?Niveli i krimit dhe korrupsionit në Shqipëri në rradhët e zyrtarëve të lartë publikë, është në nivele alarmante. Procesi i vettingut, përfshirë vlerësimin e lidhjeve me krimin e organizuar, zbatohet sot vetëm për gjyqtarët, prokurorët dhe punonjësit e policisë.
Partia Demokratike beson se zbatimi i vettingut dhe masa e kontrollit të figurës edhe për politikanët dhe zyrtarët e të tjerë të lartë publikë:

? dekriminalizon plotësisht qeverisjes dhe politikën
? lufton me tolerancë zero korrupsionin dhe krimin
? ndalon aleancat mes politikanëve dhe grupeve kriminale
? pastron nga rradhët e politikanëve dhe zyrtarëve të lartë individë të korruptuar dhe të lidhur me krimin e organizuar.
?garanton qeverisje pa ndikimin e krimit të organizuar

Për Partinë Demokratike, kapja e qeverisjes nga krimi, përbën një kërcënim të rëndë për integritetin dhe funksionimin e demokracisë dhe institucioneve demokratike, për sigurinë kombëtare dhe është rrënim për jetën e përditshme të qytetarëve.

Ligji i propozuar nga Partia Demokratike për realizimin e vettingut edhe ndaj deputetëve, Kryeministrit, ministrave, kryetarëve të bashkive dhe drejtuesve të institucioneve kushtetuese, është një mundësi reale për fillimin e çlirimit të qeverisjes nga krimi. Ai zgjidh fenomenin e hasur pas miratimit të ligjit të dekriminalizimit, atë të zëvendësimit në institucionet shtetërore të vetë eksponentëve të botës së krimit, me individë të lidhur drejtëpërdrejtë, në shërbim apo të caktuar prej tyre.
Opozita kërkon miratimin e këtij ligji, pa asnjë vonesë, me qëllim zbatimin e menjëhershëm, duke i hapur rrugë kështu procesit të vettingut për të gjithë politikanët në detyra shtetërore dhe zyrtarët e tjerë të lartë publikë?, thuhet në kërkesën e PD.

Partia Demokratike kërkon që ligji të përkrahet nga të gjitha forcat politike në Kuvend, si një tregues i vullnetit të tyre të sinqertë për dekriminalizimin e plotë të politikës, vettingut ndaj çdo funkisonari kushtetues, dhe mospërdorimit të krimit për të ardhur në pushtet apo mbajtur pushtetin.
?Shqiptarët meritojnë një përfaqësim dinjitoz, jo nga politikan? të lidhur me krimin e organizuar, por nga politikan? që punojnë në interes të tyre dhe luftojnë krimin e organizuar?, deklaron PD./ CNA.al





Lajmet e fundit nga