web counter
LEXO PA REKLAMA!

SHKARKO APP

App Store
Google Play

Arrestimet në Shkodër/ Reagon prokuroria, zbulohen të tjera detaje

6 Shtator 2018, 09:11, Aktualitet CNA

Prokuroria e Shkodrës ka reaguar pas aksionit në lagjet e ?të fortëve? në Shkodër.

Sipas një njoftimi për mediat, Prokuroria bën me dije se i ka kërkuar gjykatës mandate për kontrolle në banesa, pas dyshimeve se mund të gjenin sende të vlefshme për vepra penale.

Njoftimi i plotë i prokurorisë:

Prokuroria pranë Gjykatës së Shkallës së Parë Shkodër ka vijuar hetimet intensive për  identifikimin e autorëve të krimeve të rënda që kanë ndodhur në qytetin e Shkodres në muajt e fundit.

Çmojmë bashkëpunimin në nivel të lartë me Policinë e Shtetit për të ekzektuar vendimin e Gjykatës së Rrethit Gjyqësor Shkodër për lejimin e kontrollit të banesave dhe vendeve të tjera.

Mbi bazën e dyshimit të arsyeshëm të deduktuar nga provat e administruara deri në këtë moment procedural i paraqitëm gjykatës kërkesën për të lejuar kontrollin e banesave dhe vendeve të tjera, në të cilat mund të gjendeshin prova me rëndësi për hetimin.

Vendimi i gjykatës është ekzekutuar nga Drejtoria e Përgjithshme e Policisë në bashkëpunim me Drejtorinë Vendore të Policisë Shkodër.  Gjatë kontrollit janë gjetur, fiksuar dhe sekuestruar disa prova materiale, mbajtja e të cilave përbën vepër penale, për kryerjen e të cilave janë arrestuar 4 shtetas.

Duke pasur njëkohësisht mbështetjen e fortë të Prokurorisë së Përgjithshme, ritheksojmë vullnetin e palëkundur për të përmbushur detyrat në përputhshmëri me ligjin per goditjen e krimit.

Zbardhen emrat e të arrestuarve/ Kush janë 4 “të fortët” e Shkodrës





Lajmet e fundit nga