web counter
LEXO PA REKLAMA!

SHKARKO APP

App Store
Google Play

E fundit!

x

Sesioni i ri parlamentar/ Zbardhet plani i LSI

3 Shtator 2018, 09:23, Aktualitet CNA

Kreu i grupi Parlamentar të LSI, Petrit Vasili, ka reaguar në lidhje me situatën ekriminalitetit në vend. Në një deklaratë për shtyp, Vasili është shprehur se Shqipëria sot po përballet me një nga situatat më të rënda të kriminalitetit në vend.

Deputeti i LSI, ka shtuar më tej, se këto krime nxjerrin në pah se shteti i ka duart e lidhura, pasi është njësh me kriminelët. Ndër të tjera, Vasili ka thënë se rritja e kriminalitetit, sjellë rrënimin e ekonomisë dhe ka detyruar shumë shqiptarë të largohen.

Në lidhje me aksionin politik, Vasili është shprehur se LSI do të veprojë nën një moto: ?Tolerancë zero ndaj hajdutëve që kanë grabitur vendin. Ne do të ndalojmë këtë hordhi?.

Postimi i plotë 

Sot shqipëria përballe me një nga situatat më të rënda në mënyrë të vecantë shkodra. Krime njëri me i rëndë se tjetri. Krime që nxjerrin në pah se shteti i ka duart e lidhura pasi ka qenë njësh me kriminelët në të gjitha situatat. Janë kriminelët ata që diktojnë punën ne Komisariatin e Shkodrës.  Ndërsa shteti nuk është , është në  një cep.

Kjo situatë kriminale ka rrënuar dhe ekonominë dhe po largon të rinjtë e Shqipërisë. Të rinjtë e Shqipërisë po përballen me një qeverisje të rrëmbyer nga hajdutët.

Papunësia është një plagë që thellohet dhe konstraktohet nga shifrat e turpshme që dalin nga qeveria. Dhuna dhe arroganca kanë qenë ato që shënjon sesionin parlamentar duke rrëmbyer forcën politikë.

Veprimi jonë do të jetë nën një moto: tolerancë zero ndaj hajdutëve që kanë grabitur vendin,  do të ndalojmë këtë hordhi që po grabit vendin,.

Sot kemi një sistem drejtësie të thelluar që mban gjallë kriminalitetin në vend. Për Kryeministrin ka një padi dhe nuk po luan gishtin, Kryeministri tha se ka bërë ekspertizën për audion e vëllait të ministrit, por prokuroria nuk ka lëvizur. /CNA.al





Lajmet e fundit nga