web counter
LEXO PA REKLAMA!

SHKARKO APP

App Store
Google Play

Zgjedhjet vendore/ “Të fortit e inkriminuar sërish kandidatë të partive politike”

2 Shtator 2018, 14:54, Aktualitet CNA

Publicisti Mustafa Nano ka folur në lidhje me pregatitjet e partive për zgjedhjet lokale, të cilat do të zhvillohen në vitin e ardhshëm.

Në një intervistë për Mapo Weekend, Nano është shprehur, se në disa zona dihet se kush janë fituesit ende pa filluar gara.

Ai ka shtuar gjithashtu se partitë tashmë ja kanë marë dorën dhe zgjedhin për kandidatë persona që nuk janë të ndershëm apo të zotë, por kanë lekë dhe prerje të forti, duke përmendur këtu emrin e Elvis Roshit, ish-kryebashkiakut të Kavajës.

Sipas tij kjo është dukuria më e shëmtuar e viteve të fundit, e cila do të shtrihet edhe më shumë.

“Por partitë ia kanë marrë anën tanimë: kanë mësuar të gjejnë kandidatë që janë në gjendje të çajnë edhe gjendje të bunkerizuara (ju kujtohet Elvis Roshi? Po kandidatët e Lezhës? Po ky i Kamzës?). Dhe këta kandidatë nuk janë politikanë që kanë dhënë prova ndershmërie, integriteti, zotësie, apo janë intelektualë të shquar në fusha të ndryshme. Përkundrazi, janë njerëz me prerje të forti, që kanë lekë, ose që dinë të mbledhin fonde për fushatë, që dinë ta mbajnë terrenin nën kontroll, që dinë të bëjnë votues për vete me forma nga më të ndryshmet (me shkopin e me karotën), e që dinë ?të ngjisin? në elektorat.Protagonizmi i kandidatëve të fortë është dukuria më e shëmtuar e viteve të fundit. Dhe unë jam i sigurt se kjo dukuri ka për t?u shtritë e përhapur edhe më shumë”, u shpreh Nano. /CNA.al

 





Lajmet e fundit nga