E fundit!

21:36 Politikë

Protestuesit e larguan nga protesta/ Zmbrapset Shehaj

Një ditë më parë protestuesit e larguan nga protesta kreun...

Atentate mafioze, eksploziv dhe pengmarrje/ Bie shteti në Shkodër

2 Shtator 2018, 11:14, Aktualitet CNA

Qyteti verior i Shkodrës duket se është jashtë kontrollit të policisë. Atentate mafioze, eksploziv, dhe rrëmbime, raportohen çdo ditë nga kryeqendra e veriut, ndërkohë që nuk ka asnjë autor.

Megjithë këto krime, të krijohet përshypja se Shkodra nuk është pjesë shtetit Shqiptar, pasi atje instancat që janë përgjegjëse të sigurisë e kanë situatën jashtë kontrolli.

Kështu nga Elbasani, i cili konsiderohej si kryeqendra e bandave të lidhura me politikën, krimi është zhvendosur në Shkodër.

Ministri i Brendshëm Fatmri Xhafaj, vijon të numërojë kufomat për statistikë dhe të mbajë postin mbi gjakun e tyre.

CNA.al po sjell ngjarjet më të rëndë që kanë tronditur Shkodrën dhe që për me tepër nuk kanë as autorë.

Në muajin Maj nga të shtënat me armë zjarri në fshatin Daragjat të Shkodrës mbeti i plagosur biznesmeni Xhevat Vataksi.

Ky i fundit mësohet se është sipërmarrës në sektorin e ndërtimeve, të hotelerisë dhe hekurudhave dhe për atentatin e tij ende nuk ka një të ndaluar, edhe pse Policia pretendon se e ka identifikuar autorin.

Më 18 qershor, pronari i një servisi për makinat Mehdi Kavaja u qëllua me plumb në kokë, ndërkohë që punonte në servisin e tij, në lagjen Tophane të Shkodrës. Edhe për këtë rast autori mbetet mister.

Më 15 korrik u ekzekutua në mënyrë mafioze, ish-polici Boran Bërçana dhe bashkëshortja etij, Silvana Ndoci. Mbi çiftin u derdhën breshëri plumbash, ndërkohë që bashke me ta ishte djali i tyre i mitur, 2 vjeç. Edhe në këtë rast, policia ka dështuar që të kapë autorin e këtij krimi makabër.

Më 10 gusht, Shkodra do të tronditej sërish nga ekzekutimi mafioz i radhës.

Kunati i të fortit të Shkodrës, Lulzim Kulla, shtetasi Fatbardh Lici u ekzekutua me breshëri plumbash në një lokal. As për këtë ngjarje nuk ka autor.

Së fundmi prej më shumë se një jave, dajë e nip rezultojnë të zhdukur. Fati i Gëzim Hysajt nga Postriba dhe nipit të tij, Agron Mollajt nga Dobraçi, mbetet mister. Edhe për këtë rast, policia ka rezultuar e dështuar.

Krimi sërish goditi Shkodrën ditën e djeshme, ku një 31 vjeçar u gjet i vrarë, në zonën e Livadhes në periferi të qytetit. Viktima është Arjan Ferracaku, 31 vjeç. Ferracaku mësohet se është pronari i dy lokaleve në Velipojë, si dhe babai i dy fëmijëve. Motivet e krimit nuk dihen ended he për autorë as që bëhet fjalë.

Thënë ndryshe, në Shkodër nuk ekziston shtetit. Kryeqendra e veriut është lënë në dorë të krimit dhe qytetarët janë të pasigurtë. Një situatë e tillë, pak a shumë është në të gjithë Shqipëeinë, pavarësisht statistikave që ofron Ministri i Brendshëm apo Kryeministri.

Të vetmit njerëz që ndihen të sigurtë në këtë shtet, duket se janë Kryeministri Edi Rama dhe Ministri i Brendshëm Fatmir Xhafaj./CNA.al