web counter
LEXO PA REKLAMA!

SHKARKO APP

App Store
Google Play

E fundit!

x

Saimir Tahiri dhe Adriatik Llalla bashkë në Gjykatë/ “Luftë e ftohtë” me Krimet e Rënda

2 Shtator 2018, 09:56, Aktualitet CNA

Dy nga rastet hetimore me të përfoluara në opionin publik, janë ajo ish-kryeprokurorit Adriatik Llalla dhe ish-Ministrit të Brendshëm Saimir Tahiri.

Të dy ish-zyrtarët e lartë janë nën hetim nga Prokuroria për Krime të Rënda.

Për ish-Ministrin e Brendshëm, Saimir Tahiri, hetimet nisën në Tetor 2017, ndërsa për ish-Kryeprokurorin Adriatik Llalla, hetimet nisën në pranverën e këtij viti.

Dy ish-zyrtarët e lartë në fjalë, i ndajnë veprat penale për të cilat po hetohen, ndërsa ajo që i bashkon është Gjykata e Lartë, pas përplasjes ligjore me Prokurorinë për Krime të Rënda.

Kujtojmë se në muajin Gusht, ish-kryeprokurori i Përgjithshëm, Adriatik Llalla ka depozituar një rekurs në Gjykatën e Lartë për heqjen e sekuestros mbi pasurinë e tij.

Ankimimi është bërë për të rrëzuar  vendimin e Gjykatës së Apelit, e cila la në fuqi vendimin e prokurorisë për të sekuestruar pasurinë e Llallës. Vendimi fillestar  për sekuestrimin e pasurisë së Llallës u firmos më 23 korrik 2018. Pasuria e sekuestruar e Llallës shkon në vlerën e rreth 1 miliardë lekëve.

Llalla akuzohet për veprat penale si ?pastrim parash?, ?refuzim të deklarimit të pasurisë?, ?mosdeklarim?, ?fshehje ose deklarimi i rremë i pasurisë?, ?Mosdeklarimit të shumave të të hollave ne kufi?, ?Pastrimit të produkteve të veprës penale? dhe ?Shpërdorimit të detyrës?.

Edhe rasti i Saimir Tahirit, ndodhet në Gjykatën e Lartë. Ndryshe nga rasti ?Llalla?, ka qenë Prokuroria e Apelit për Krime të Rënda, e cila ka bërë rekus në Gjykatën e Lartë, në lidhje me vendimin e Gjykatës së Apelit për Krime të Rënda.

Kujtojmë se Gjykata e Shkallës së pare për Krime të Rënda dhe ajo dhe Apelit, kanë rrëzuar dy herë kërkesën për caktimin e arrestit me burg dhe bllokimit të pasaportave.
Fillimisht u miratua arresti në shtëpi që u rrëzua në apel dhe e njëjta gjë edhe më pas me bllokimin e pasaportave.

Aktualisht hetimet ndaj Saimir Tahirit, i cili  dyshohet se ka shpërdoruar detyrën dhe ka kryer korrupsion në kuadër të grupit të strukturuar kriminal të drejtuar nga Moisi Habilaj, po kryhen në gjëndje të lirë./CNA.al





Lajmet e fundit nga