web counter
LEXO PA REKLAMA!

SHKARKO APP

App Store
Google Play

Rikthehen debatet/ Ja çfarë pritet të ndodh në seancën parlamentare

2 Shtator 2018, 14:07, Aktualitet CNA

Prej më shumë se katër javësh politika shqiptare ka rënë në qetësi, pasi nuk ka pasur seanca parlamentare të tensionuara.

Por pritet që ditën e nesërme kjo gjë të marr fund, pasi Kreu i Kuvendit, Gramoz Ruçi ka firmosur tashmë urdhrin për të nisur sesionin e ri parlamentar të hënën e parë të shtatorit, siç e kërkon edhe Kushtetuta.

Seanca e parë plenare, që është vetëm ceremoniale, pritet të nisë rreth orës 17:00.

Në selitë e partive politike kryesore lëvizjet pritet që të nisin që në orët e para të ditës. Socialistët do të nisin punë herët, me një mbledhje Kryesie të parashikuar për në orën 9 të mëngjesit të së hënës. Në fokus janë përgatitjet për garën e ardhshme elektorale, shkruan ?Top Channel?.

Pritet që Kryesia të zyrtarizojë thirrjen e Asamblesë Kombëtare për të premten e 7 shtatorit.

Në këtë mbledhje, kryeministri Rama do të vendosë përfundimisht nëse do të ketë ndryshime në kabinetin qeveritar, ndonëse burimet nga PS tregojnë se ka pak gjasa që kjo të ndodhë.

Kurse, në selinë blu Lulzim Basha do të takojë aleatët e tij dhe do të mbledhë grupin parlamentar të PD-së rreth orës 10.

Kreu i PD-së nuk ka pranuar të tregojë cila do të jetë qasja e demokratëve me Parlamentin, institucion me të cilin selia blu ka pasur një marrëdhënie të kushtëzuar gjatë muajve të fundit.

Ndërsa në datën 13 shtator pritet  të kalojë në seancë dekreti i presidentit Meta, që ktheu për rishqyrtim ligjin që i hap rrugën projektit të ri të Teatrit Kombëtar, duke shembur godinën ekzistuese./ CNA.al

 





Lajmet e fundit nga