web counter
LEXO PA REKLAMA!

SHKARKO APP

App Store
Google Play

E fundit!

x

Plumb në kokë biznesmenit/ Zbardhen rrethanat e ekzekutimit

2 Shtator 2018, 15:40, Aktualitet CNA

Në ngjarje e rëndë u regjistrua ditën e djeshme në zonën e Livadheve  në Shkodër, ku një i ri është vrarë me breshëri kallashnikovi.  Viktimë e sulmit ka mbetur 30 vjeçari Arjan Ferracaku, pronar i dy lokaleve në Velipojë.

Tashmë kur kanë kaluar 24 orë nga vrasja, ende nuk ka asnjë të dyshuar për krimin.

Nga hetimet është zbuluar se viktima kishte shkuar në zonën e Livadheve së bashku me dy kushurinjtë për hipizëm. Këta të fundit aktualisht ndodhen në rajonin e policisë dhe po merren në pyetje.

Në momentin e të shtënave, dy kushurinjtë janë larguar me shpejtësi nga frika,  shkruan Panorama. Mësohet se autori i vrasjes, ishte fshehur pas një shkurreje

Pasi e ka qëlluar nga një distancë e afërt prej 20 metrash, agresori e ka ndjekur Ferracakun dhe ka zbrazur mbi kokën e tij disa plumba të tjerë.

Sipas burimeve policore, janë afro 17 plumba që kanë dalë nga tyta e kallashnikovit.

Autori pasi ka ekzekutuar 30 vjeçarin, i ka marrë atij telefonin celular dhe portofolin dhe më pas është larguar në drejtim të paditur.

Nisur nga këto të dhëna, janë ngritur dyshime të forta nga hetuesit, se e gjitha mund të ketë qenë një grabitje, shto këtu faktin se Ferracaku nuk kishte asnjë konflikt të mëparshëm.

Hetuesit mendojnë se mes viktimës dhe autorit të ngjarjes ishte caktuar një takim, ndërsa nuk bie poshte edhe pista, ku vrasësi mund të ketë gabuar shënjestër./CNA.al





Lajmet e fundit nga