Konflikt midis vëllezërve/ Policia parandalon krimin

1 Shtator 2018, 15:32, Aktualitet CNA

Gjatë mesditës së sotme, policia e Cërrikut ka ndërhyrë në kohë, duke parandaluar një konflikt midis dy vëllezërve, i cili mund të kishte rezultuar fatal.

Mësohet se dy vëllezërit janë konfliktuar për motive banale dhe se ngjarja ka ndodhur në fshatin Shtëpanj.

Sipas njoftimit të policisë në flagrancë është arrestuar, njëri prej vëllezërve, i cili kishte tentuar edhe të qëllonte me armë zjarri.

Të ditura janë bërë inicialet e tij, T.H. dhe se ishte 38-vjeç.

?Shtetasi T.H, kur ka parë Policinë ka hedhur armën e zjarrit nga dritarja e banesës. Në cilësinë e provës materiale u sekuestruan një armë zjarri tip automatik, dy krehra, 200 fishekë si dhe një dorezë metalike?,- shkruhet më tej në njoftimin e policisë.

Njoftimi i plotë i policisë:

Cërrik

Policia parandalon përshkallëzimin e mëtejshëm të një konflikti me pasoja.

Ndërhyrja në kohë e Policisë parandalon një konflikt për motive të dobëta midis midis 2 vëllezërve, ku mund të përdorej edhe arma e zjarrit.

Arrestohet në flagrancë nga Policia, njëri nga vëllezërit, i cili në momentin që ka mbritur Policia ka hedhur armën e zjarrit jashtë banesës.

Në Sallën Operative të Komisariatit të Policisë Cërrik, ka ardhur një telefonatë se në fshatin Shtëpanj, po ndodh një konflikt mes 2 vëllezërve, ku një prej tyre kishte armë zjarri dhe mund ta përdorte.

Menjëherë në drejtim të vendngjarjes kanë shkuar shërbimet e policisë, ku falë reagimit të shpejtë të mirëorganizuar, kanë bërë të mundur arrestimin në flagrancë të shtetasit:

T.H 38 vjeç, banues në fshatin Shtëpanj, Cërrik.

Shtetasi T.H, kur ka parë Policinë ka hedhur armën e zjarrit nga dritarja e banesës.

Në cilësinë e provës materiale u sekuestruan një armë zjarri tip automatik, dy krëhra, 200 fishekë si dhe një dorezë metalike.

Materialet i kaluan Prokurorisë pranë Gjykatës së Shkallës Parë Elbasan, për veprat penale. “Mbajtja pa leje dhe prodhimi i armëve, armëve shpërthyese

dhe i municionit” dhe “Prodhimi, mbajtja, blerja apo shitja pa leje e armëve të ftohta” parashikuar nga nenet 278/2,3 e 279/1 të Kodit Penal./ CNA.al