web counter
LEXO PA REKLAMA!

SHKARKO APP

App Store
Google Play

E fundit!

x

Foto- Kush ishte biznesmeni që humbi jetën/ Dyshimet e para të policisë për ngjarjen

1 Shtator 2018, 15:00, Aktualitet CNA

Një seri atentatesh kanë tronditur Shkodrën së fundmi, ku jo më larg se pasditen e sotme, një i ri është gjetur i vrarë në fshatin Dobraç.

Policia ka bërë me dije se viktima është shtetasi Arjan Ferracaku, 31-vjeç, banues në lagjen ?Guerrile? në Shkodër.

Arjan Ferracaku, pronar i dy lokaleve në Velipojë, është gjetur i pajetë pranë një makine të braktisur, por nga verifikimet e policisë bëhet e ditur se mjeti nuk ka lidhje me ngjarjen.

Ferracaku është pronari i hotel ?Fantazia? në Velipojë, që në zone përdoret edhe si orientim. Në pronësi të 30-vjeçarit është edhe një restorant në Zus, sapo kalon urën e re të Bunës.

Ferracaku ka qenë i shoqëruar nga dy persona të tjerë të cilët janë djemtë e xhaxhait të tij, që momentalisht ndodhen në komisariatin e Shkodrës. Dyshohet se viktima dhe autorët e ngjarjes kishin organizuar një takim, por ende është e pakonfirmuar. Pas ngjarjes autorët i kanë marrë viktimës telefonin dhe portofolin.

Policia është duke vijuar punën për zbardhjen e plotë të ngjarjes dhe identifikimin e autorëve të saj.

Dyshimet e para lidhur me ngjarjen

Përplasje mes bandave janë dyshimet e para për ngjarjen. Vetëm dy muajt e fundit në Shkodër kanë humbur jetën katër persona, ndërsa dy prej tyre rezultojnë të zhduku.

Kujtojmë këtu se më 15 korrik në Shkodër u gjetën të ekzekutuar në makinën e tyre, ish-polici Boran Bërçana dhe bashkëjetuesja e tij, Silvi Ndoci. Më 10 gusht, në Shkodër u gjet i vrarë me 15 plumba Fatbardh Lici. Ndërsa, sherri mes fqinjëve i mori jetën 55-vjeçarit, Prendush Fushaj më 27 gusht. Pak ditë më pare, po në Shkodër, janë denoncuar si të zhdukur, daja dhe nipi, Agron Mullaj dhe Gëzim Hysa. /CNA.al





Lajmet e fundit nga