Paç fatin e Marsidës/ Zbulohet posti që të bën të pasur lehtësisht në drejtësi

26 Gusht 2018, 18:40, Aktualitet CNA

Dy janë kandidatët për postin e Inspektorit të Lartë të Drejtësisë. Ata janë gjyqtari i Gjykatës Administrative të Apelit, Tiranë, Artur Malaj dhe kryeinspektorja e inspektoriatit të KLD ?së, Marsida Xhaferllari.

Malaj, ndonëse u konfirmua në detyrë nga Komisioni i Pavarur i Kualifikimit është ende me një këmbë në Vetting.

Operacioni Ndërkombëtar i Monitorimit, në fillim të muajit gusht, kërkoi shkarkimin e tij, duke ankimuar vendimin e datës 3 gusht 2018 të KPK-së.

?Operacioni Ndërkombëtar i Monitorimit u ka paraqitur Komisionerëve Publikë rekomandimin për ta ankimuar në Kolegjin e Posaçëm të Apelimit vendimin e Komisionit të Pavarur të Kualifikimit për konfirmimin në detyrë të z. Artur Malaj?, ? thuhej në njoftimin për media.

Ndërkaq, ende nuk ka një datë për kalimin në Vetting të kandidates tjetër për postin e Inspektorit të Lartë të Drejtësisë, Marsida Xhaferllari.

Ajo çfarë dihet është se Xhaferllari do të jetë pjesë e listës së dytë të njerëzve të drejtësisë që do të kalojnë përmes këtij procesi.

Komisioni i Pavarur i Kualifikimit do të verifikojë pastërtinë e figurës, pasurinë dhe aftësitë profesionale të kandidates që synon të jetë pjesë e kupolës së institucioneve të drejtësisë.

CNA.al sjell pasurinë e deklaruar nga kryeinspektorja Marsida Xhaferllari. Kjo e fundit rezulton e mbytur në dieta, në euro dhe dollarë. Xhaferllari duket se është shumëdimensionale, i bën të gjitha, duke filluar që nga posti që mbart deri tek punët shtesë.

Super-gruaja Xhaferllari ka bërë lektoren në Shkollën e Magjistraturës, ku ka fituar 85 636 lekë, ka marrë pjesë në hartimin dhe rishikimin e komentarit elektronik të Ligjit per Statusin dhe Ligjit për Organet e Qeverisjes të Sistemit të Drejtësisë, që administrohet nga Shkolla e Magjistraturës ku ka fituar 8 750 euro.

Gjithashtu ajo ka marrë pjesë në hartimin e një metodologjie për monitorimin e karrierës në sistemin e drejtësisë, pas Reformës në Drejtësi në shumën, ku ka fituar 2550 USD, në hartinin e një projektvendimi të Këshillit të Ministrave për standartet që duhet të ndjekin qendrat komunitare multidisiplinore për mbrojtjen e fëmijëve ku ka fituar 8,864.00 lekë dhe 419,90 USD i ka fituar si dieta nga një vizitë studimore në Bolonja, Itali dhe për një Konferencë në Budva, Mali i Zi, në kuadër të projektit Mbështetje për Reformën Gjyqësore në Vendet e Ballkanit Perëndimor, i financuar nga Ministria e Punëve të Jashtme, Norvegji dhe PUND, në shumën 419,90 USD.

Kësaj i thonë të bëhesh i pasur nga zyra, apo në shëtitje. Prokurorët dhe gjyqtarët se kanë këtë fat, kështu që bëjnë mirë ti hedhin sytë nga ?zyra e Marsidës?.

Artur Malaj duket se është treguar më i zgjuari ndër gjyqtarë, por për momentin ONM ia ka prerë entuziasmin.

Pasuria e deklaruar nga Xhaferllari

Llogari rrjedhëse nga paga dhe shperblime:

Gjendja në daten 31.12.2017 dhe shtesa gjatë vitit 2017

Gjendja: 35,498.90 lekë

Pakësim: 636,935.08 lekë

Depozitë bankare me afat 6 mujor me normë interesi 0.7 %, e hapur me 16.03.2017. Kjo depozitë u krijua me shumën e depozitës së vjetër bankare me afat maturimi 6-mujor dhe me kursime të tjera të miat. Si rrjedhim i depozitës së re, depozita e vjeter u mbyll.

Gjendja në datën e hapjes së depozitës me 16.03.2017, është me 2,200,000.00 lekë

Llogari kursimi në euro. Gjendja në datën 31.12.2017 është 15,184.72 Euro dhe shtesa gjatë vitit 2017 është 5,192.74 Euro

Llogari e re kursimi në USD, e hapur me kontratën e datës 23.03.2017, me interes 0.10%, me kursime të mia. Gjendja ne daten 31.12.2017 është 1,405.49 USD

Të ardhura neto nga paga dhe dieta në pozicionin e punës të Kryeinspektores së Inspektoratit të Këshillit të Lartë të Drejtësisë, në shumën 1599 626 lekë.

Të ardhura neto nga interesi i llogarive, në shumën 9,663.97 Lekë.

Pagesa neto në cilësinë e lektores në formimin fillestar dhe vazhdues të Shkollës së Magjistraturës, të transferuara në llogarinë rrjedhëse, në shumën 85 636 lekë.

Pagesat bruto nga EURALIUS IV dhe IRZ për pjesëmarrje në grupin e punës për hartimin dhe rishikimin e komentarit elektronik të Ligjit per Statusin dhe Ligjit për Organet e Qeverisjes të Sistemit të Drejtësisë, që administrohet nga Shkolla e Magjistraturës, në vlerën 8 750 euro.

Pagesë dietash për vizit studimore në Bullgari, të organizuar nga Misioni Euralius IV për praklikat e inspektimit në gjyqësor, në shumën 600 euro

Pagesa neto me çek nga Instituti për Studime Publike dhe Ligjore për hartimin e një metodologjie për monitorimin e karrierës në sistemin e drejtësisë, pas Reformës në Drejtësi në shumën 2550 USD.

Pagese neto, nga organizata Terre des hommes për hartirnin e një projektvendimi të Këshillit të Ministrave për standartet që duhet të ndjekin qendrat komunitare multidisiplinore për mbrojtjen e fëmijëve, në shumën 148,864.00 lekë.

Pagesë dietash në Ilogarinë në USD për një vizitë studimore në Bolonja, Itali dhe për një Konferencë në Budva, Mali i Zi, në kuadër të projektit Mbështetje për Reformën Gjyqësore në Vendet e Ballkanit Perëndimor, i financuar nga Ministria e Punëve të Jashtme, Norvegji dhe PUND, në shumën 419,90 USD./CNA.al