E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Akuzat e PD për fshehjen e ngjarjes në Mallakastër/ Reagon policia

26 Gusht 2018, 18:10, Aktualitet CNA

Deputeti demokrat Enkelejd Alibeaj, akuzoi ditën e sotme policinë e shtetit, për fshejen e ngjarjes së dy ditëve më parë, ku u dogj makina e Nënkryetarit të Bashkisë së Mallakastrës Hajredin Serjanaj.

Ndërkohë policia ka mohuar akuzat e deputetit demokrat, duke thënë se ngjarja është pasqyruar në faqen zyrtare më datë 24 gusht.

Gjithashtu në informacionin paraprak, është komunikuar se djegia e makinës ka ardhur si pasojë e një shkëndije elektrike në mjet.

Postimi i plotë

Në lidhje me një status të publikuar në rrjetet sociale nga deputeti E.Alibeaj me pretendimi se “policia ka fshehur ngjarjen ku është djegur makina e Nënkryetarit të Bashkisë Mallakastër”, sqarojmë se:

Në informacionin paraprak për mediat është dhënë njoftim se paraprakisht dyshohet se djegia e makinës ka ardhur si pasojë e një shkëndije elektrike në mjet.

Pas hetimeve të kryera dhe kqyrjes së kamerave, ka rezultuar se djegia e makinës dyshohet se është e qëllimshme dhe për këtë janë referuar materialet në Prokurorinë pranë Gjykatës së Shkallës së Parë Fier për veprën penale “Shkatërrimi i pronës me zjarr” parashikuar nga neni 151 i Kodit Penal.

Të dy informacionet, (informacioni paraprak edhe informacioni pas hetimeve) janë pasqyruar në faqen zyrtare të Policisë së Shtetit, konkretisht:

Ne date 24 gusht 2018:

“Mallakastër
Informacion paraprak
Në datën 24.08.2018, rreth orës 02:35, në lagjen “29 Nëntori” Ballsh, është djegur mjeti tip BMW (i parkuar) në pronësi të shtetasit H.S (Nënkryetar i Bashkisë Ballsh). Paraprakisht dyshohet se makina është djegur si pasojë e një shkëndije elektrike në mjet. Në vendngjarje ka shkuar grupi hetimor i cili po punon për sqarimin e rrethanave dhe zbardhjen e plotë të kësaj ngjarje”.

Ne njoftimin e publikuar ne date 25 gusht 2018:

“Në vijim të veprimeve për përcaktimin e shkakut të rënies së zjarrit në mjetin tip ?BMW?, të shtetasit H.S., 37 vjeç (Nënkryetar i Bashkisë Ballsh), u referuan materialet në Prokurorinë pranë Gjykatës së Shkallës së Parë Fier për veprën penale parashikuar nga neni 151 i Kodit Penal”.

Policia e Shtetit nen drejtimin e Prokurorise po vijon hetimet per zbardhjen e autoresise se ngjarjes. /CNA.al