web counter
LEXO PA REKLAMA!

SHKARKO APP

App Store
Google Play

E fundit!

x

Video- Zbulohet lidhja e veçantë e senatorit McCain me Nënë Terezën

26 Gusht 2018, 17:46, Aktualitet CNA

Senatori amerikan John McCain u nda nga jeta mbrëmjen e djeshme, vetëm një ditë para se të shënohej ditëlindja e humanistes shqiptare Nënës Tereza.

Senatorin McCain me Nënë Terezën e lidh një ngjarje që atij i pasti ndryshuar jetën. Këtë ngjarje senatori amerikan e tregoi në parlamentin e Kosovës gjatë vizitës së tij në vitin 2017.

?Nëse më lejoni, dëshiroj ta tregoj një tregim të shkurtër personal për familjen time duke qenë i vetëdijshëm se çfarë figure të madhe ka pasur figura e Nënë Terezës. Para 24 vjetësh, gruaja ime ishte në Bangladesh dhe po vizitonte jetimoren e Nënës Terezë ku vetë Nëna Terezë erdhi në takim dhe kishte me vete dy foshnje, ajo i kishte thënë bashkëshortes sime se duhet t?i marrë me vete të dyja foshnjet sepse përndryshe ato do të vdesin?- është shprehur senatori gjatë fjalës së tij në faltoren e parlamentit të Kosovës.

McCain tregoi më tej, se gruaja e tij i mori të dyja foshnjet që kishin sëmundje vdekjeprurësë, njëra prej tyre është bija jonë Brixhid, të cilën e duam shumë e tjetra është adoptuar nga një familje tjetër.

Në atë fjalimim ai falenderoi Nënën Terezën për punën e saj. Kujtojmë se senatori John McCain u nda nga jeta pas një beteje të gjatë me kancerin./ CNA.al





Lajmet e fundit nga