web counter
LEXO PA REKLAMA!

SHKARKO APP

Politikanja serbe kundërshton korrigjimin e kufijve/ "Është një kocept millosheviçjan"

25 Gusht 2018, 20:32, Aktualitet CNA

Politikanja serbe Vesna Peshiç, ka dalë kundër idesë për një korrigjim kufijsh në Ballkan.

Në një intervistë për revistën ?Vreme? në Beograd, ajo u shpreh se nëse ndodh një gjë e tillë, do të shkaktonte vuajtje të mëdha, shkatërrim dhe destabilitet.

Sipas Peshiç, plani për korrigjimin e kufijve, është një koncept millosheviçjan, për të cilin ndjen neveri.

“Unë jo vetëm që e hedh poshtë, por ndjej neveri ndaj idesë së ?vendosjes së kufijve etnikë?. Përherë e kam hedhur poshtë konceptin radikal sheshelian dhe millosheviçian të ?shtetit etnik?, përkatësisht njëfarë pronësie etnike mbi territoret si dhe luftërat e tyre të përgjakshme dhe kriminale që zhvilluan për të zaptuar dhe bashkuar ?tokat etnike serbe’, u shpreh Peshiç.

Ndër të tjera, politikanja serbe e ka cilësuar këtë ide si kriminale.

Peshiç ka thënë gjithashtu, se shpreson se BE dhe Gjermania, nuk do të lejojnë rikufizime të reja në Ballkan. /CNA.al





Lajmet e fundit nga