web counter
LEXO PA REKLAMA!

SHKARKO APP

App Store
Google Play

Foto ekskluzive/ Kaos në Rinas, pasagjerët në radhë të gjata

25 Gusht 2018, 11:24, Aktualitet CNA

Në Aeroportin e Rinasit mbrëmjen e djeshme është shkaktuar kaos dhe radhë të gjata.

Sipas një denoncimi të mbërritur në orët e vona të mbrëmjes së djeshme në redaksinë e CNA.al, pasagjerët që vinin për të hyrë në Shqipëri kanë ndenjur për të paktën një orë në radhë, kjo pasi autoriteti i Rinasit ka punuar me vetëm gjysmën e kapaciteteve policore.

Denoncuesi thekson se prej orës 23:10 deri në 13:30 në Rinas kanë ardhur tre avionë nga linjat e Brukselit, Romës dhe Veronës, por ajo që shkaktoi problem dhe kaos ishte sepse sportelet e policisë punonin me gjysmën e kapacitetit . Në qoftë se janë 10 vende policësh, punonin vetëm pesë. Ashtu siç shikohet edhe nga fotot ekskluzive të siguruara nga CNA.al,  kjo ka shkaktuar një kaos dhe rrëmujë të papërsëritshme.

Ndërkohë rreth orës 23:40 minuta ka ardhur edhe linja e Vjenës, ç?ka shkaktoi edhe një tjetër rrëmujë në radhë.

Shqiptarët edhe kur vinë në vendin e tyre, në pikat e tyre të kalimit kufitar, siç është Rinasi, duhet të presin një orë në radhë për shkak se policia nuk shton sportelet. Në qoftë se do ishim në dy-fishin e kapaciteteve, pra me kapacitetin e plotë, njerëzit do të ishin vonuar nga 20 ose maksimumi 30 minuta. Por janë detyruar të rrinë në mbi një orë në radhë duke pritur kalimin te policët, pa folur këtu edhe për shërbimin policor, ku mund të ketë edhe polic të rinj, të cilët ende nuk e dinin profesionin dhe vërtiteshin mbi 10 minuta për të shtyrë kohën me një pasagjer duke shkaktuar tension te qytetarët./ CNA.al





Lajmet e fundit nga