web counter
LEXO PA REKLAMA!

SHKARKO APP

App Store
Google Play

E fundit!

x

“Prokuroria është shërbëtore e krimit”/ Deputeti i nxjerr bojën drejtësisë së Ramës

25 Gusht 2018, 09:46, Aktualitet CNA

Nga selia e Partisë Demokratike kanë vazhduar akuzat ndaj kreut të grupit parlamentar të Partisë Socialiste, Taulant Balla.

Në një dalje për mediat, deputeti demokrat Luçiano Boçi ka hedhur të tjera akzua ndaj Ballës, për të cilin PD pretendon se i ka siguruar mbrojtje politike biznesmenit Edmond Bego.

Kujtojmë këtu se Bego u arrestua disa ditë më parë nga autoritetet greke, por që u lirua më pas, pas konfirmimit nga Interpol Roma se nuk ka çështje të hapur penale në Itali, ndaj personit në fjalë.

Por, nga ana tjetër, PD pretendon se Bego, falë lidhjeve me Ballën, ka fituar miliona euro nga buxheti i shtetit.

Në fjalën e tij, Boçi tha se ?Prokuroria është shërbëtore dhe besnike e krimit, sepse skualifikon të dënuarit. Bego është miku i Taulant Ballës ndaj edhe është skualifikuar nga sistemi i drejtësisë?.

Më tej deputeti ka thënë se Shqipëria është nën diktaturën e krimit të organizuar dhe se kjo sipas tij ka ndodhur vetëm sepse drejtësia është në duart e Edi Ramës.

?Bego ka marrë 10 milion euro për rrugën Tiranë- Elbasan vetëm sepse është miku i Taulant Ballës?,- ka vazhduar Boçi më tej.

Kujtojmë këtu, se më herët akuza ndaj Ballës janë bërë nga deputetet Edi Paloka, Ervin Salijani dhe Enkelejd Alibeaj.

Deklarata e plotë:

Arrestimi 7 ditë më parë nga autoritetet greke i trafikantit të rrezikshëm të drogës, Edmond Bego, nxori në dritë faktin tronditës se ai i shndërrua në biznesmen të fuqishëm ndërtimi, duke përfituar miliona euro nga buxheti i shtetit, pasi lidhi miqësi familjare me Taulant Ballën.

Por qeveria dhe prokuroria kanë zgjedhur të heshtin përballë fakteve, në mënyrë që të mbulojnë me harresë të vërtetën e përfitimit të miliona eurove nga një trafikant droge në kundërshtim flagrant me ligjin e prokurimit publik.

Prokuroria, e cila po provon çdo ditë se i shërben krimit të organizuar të lidhur me pushtetin, po ndjek skenarin e Edi Ramës, duke mos nisur hetimet për Taulant Ballën, mikun e tij trafikant droge dhe këdo që ka shkelur ligjin dhe i ka dhënë atij miliona euro punë publike.

Prokuroria hesht, pavarësisht se Partia Demokratike ka paraqitur fakte që provojnë shkeljen e ligjit për t?i dhënë të paktën 14 milionë euro mikut me 5 emra i Taulant Ballës.

Neni 45 i Ligjit për Prokurimin Publik parashikon qartë përjashtimin nga një punë me para publike të  çdo ofertuesi, kur ka të dhëna se ka qenë i dënuar me vendim gjyqësor të formës së prerë për pjesëmarrje në organizata kriminale.

Prokuroria hesht si shërbëtore besnike e krimit me pushtet, pavarësisht se miku familjar i Taulant Ballës, i dënuar me 21 vjet burg si trafikant i rrezikshëm droge, ka përfituar pasuri nga disa punë publike në kundërshtim me ligjin, duke nisur me 10 milionë euro nga rruga e re Tiranë-Elbasan.

Vetëm në 7 muajt e parë të këtij viti, nën mburojën politike të Taulant Ballës dhe më shkelje të plotë të ligjit të prokurimt publik, që skualifikon automatikisht të dënuarit, pjesë e organizitave kriminale, trafikanti i drogës ka përfituar:

? 641 milionë lekë nga OST për mirëmbajtje rrjeti

? 1 miliard lekë sërish nga OST për nënstacionin Librazhd

? 3 miliardë lekë nga OSHEE për disa kabina elektrike

Dhe, pavarësisht faktit që i ka përfituar 10 milionë ruro dhe 6.4 miliardë lekë në kundërshtim me ligjin e prokurimit publik, që skualifikon të dënuarit, anëtarë të organizatave kriminale, si miku i Taulant Ballës, prokuroria hesht!

Heshtja e organit të prokurorisë është një këmbanë e fortë alarmi se tashmë Shqipëria është  nën diktaturën e krimit të organizuar, që jo vetëm qeveris vendin nëpërmjet Edi Ramës, por kontrollon edhe çdo institucion të pavarur në vend./CNA.al





Lajmet e fundit nga