Shqipëria shpëton nga zjarret/ Piromanët në pushtet?

24 Gusht 2018, 17:19, Aktualitet CNA

Shqipëria në flakë. Për vite të tëra, mediat kanë raportuar se si pyje, parqe kombëtarë dhe fshatra të tërë viheshin nën pushtetin e zjarrit.

Por, tashmë, me ardhjen e socialistëve në pushtet nuk bie më zjarri. Në fakt zjarri u ka rënë njerëzve nëpër shpi. Po iu digjen shtëpitë nga mjerimi dhe varfëria. Shqipëria po digjet e tëra, por nuk po digjen më pyje.

Po të bëjm një krahasim, bazuar në të dhënat zyrtare të Ministrisë së Brendshme dhe të Ministrisë së Mjedisit dhe të dhënat e raportuara nga agjencitë monitoruese, gjatë kohës që ka qeverisur Partia Demokratike me qeverisjen e sotme socialiste, situata ndryshon si nata me ditën.

CNA.al ka grumbulluar dhe ka krahasuar të dhënat e të paktën dy viteve të fundit që qeverisjes së PD, 2011dhe 2012 mbi situatën nga zjarret me dy vitet e fundit të qeverisjës së PS.

Realiteti dyshues

Sipas të dhënave zyrtare në vitin 2011 mbi 1400 hektarë pyje janë djegur në të gjithë vendin që nga muaji qershor e deri në muajin gusht të të njëjti vit, ndërsa janë numëruar rreth 160 vatra zjarri.

Ndërsa në vitin 2012, sipas agjencisë satelitore ?NASA? vetëm në ditën e 28 gushtitnë Shqipëri kishte 33 vatra aktive zjarri në pyje të shtrira pothuajse në të gjithë territorin e vendit. Po në të njëjtin zjarret prekën parqet kombëtarë të Lurës, Dajtit, Bozdovecit etj, duke shkaktuar dëme mjaft të konsiderueshme ekonomikë, mjedisorë dhe socialë.

Në vitin 2012, policia deklaronte se zjarret në 90 përqind të rasteve ishin të qëllimshme.

Ndërkohë me ardhjen e PS-së në pushtet , nuk ka më zjarre. Tek-tuk ndonjë incident që nuk krahasohet me ato të viteve më parë, por që lehtësisht mbahet nën kontroll.

Raportet për situatën klimatike kanë dhënë alarmin se temperaturat janë rritur, nuk janë ulur dhe vitet nuk janë më të lagështa.

Çfarë ka ndodhur që nuk ndizen më pyje dhe nuk vë më njeri zjarr?

A janë burgosur piromanët, apo këta të fundit kanë ardhur në pushtet?

Për këto raste, më herët Policia ka arrestuar, njerëz dhe të afërm, apo familjarë të zyrtarëve të PS. Në këto rrethana dyshimet shtohen se ka qenë një urdhër politik që t?i vihej flaka Shqipërisë.

Policët janë pothuajse të njëjtët , nuk kanë ndryshuar, por zjarre nuk ka.

Vjet, parvjet Shqipëria u mbulua me drogë dhe nuk ra një zjarr .

Thonin nuk bie zjarri se e ruanin trafikantët e drogës, po tani kush e ruan?/CNA.al