web counter
LEXO PA REKLAMA!

SHKARKO APP

App Store
Google Play

Prokuroria pushon hetimet për Seitaj/ PD lëshon bombën

24 Gusht 2018, 13:49, Aktualitet CNA

Ditën e sotme Prokuroria e Durrësit ka pushuar hetimet për Nazer Seitaj i njohur si financier i Habilajve. I menjëhershëm ka qënë dhe reagimi i Partisë Demokratike, të cilët me anë të një deklarate e konsiderojnë pushimin e hetimeve për Seitaj si një shërbim ndaj mafias në pushtet, për të shpëtuar nga burgu përgjegjësen kryesore Ministren e Drejtësisë Etilda Gjoni.

?Nëse i shërben Qeverisë promovohesh. Nëse i shërben krimit të organizuar ngrihesh në detyrë dhe bën karrierë. Nëse lufton bandat dhe kriminelët shkarkohesh nga detyra. Kjo është drejtësia që po instalon në Shqipëri Edi Rama.? Shprehet partia blu.

Deklarata e Partisë Demokratike

Partia Demokratike e konsideron shërbim ndaj mafias në pushtet pushimin e hetimeve për ekstradimin e paligjshëm të Nazer Seitajt, duke shpëtuar nga burgu përgjegjësen kryesore – Ministren e Drejtësisë, Etilda Gjonaj.

Pushimi i hetimit është urdhëruar pavarësisht se vetë prokurorët e çështjes kanë konstatuar shkelje flagrante të ligjit nga Ministrja e Drejtësisë Etilda Gjonaj.

Për vendimin e pushimit të hetimeve, Donika Prela, në atë kohë në krye të Prokurorisë së Durrësit, u shpërblye nga mafia në pushtet, duke u ngritur në detyrë si drejtuese e Prokurorisë së Krimeve të Rënda në kundërshtim me ligjin.

Nëse i shërben Qeverisë promovohesh. Nëse i shërben krimit të organizuar ngrihesh në detyrë dhe bën karrierë. Nëse lufton bandat dhe kriminelët shkarkohesh nga detyra. Kjo është drejtësia që po instalon në Shqipëri Edi Rama.?/CNA.al





Lajmet e fundit nga