web counter
LEXO PA REKLAMA!

SHKARKO APP

App Store
Google Play

E fundit!

x

Fotot-Brenda kampit çnjerëzor të diktaturës/ Aty ku kujtimet mbajnë gjallë jehonat e dhimbjes 

24 Gusht 2018, 11:19, Aktualitet CNA

Një ndër kampet më famëkeqe të regjimit diktatorial në Shqipëri ishte ai i Tepelenës, madje ishte një ferr i vërtetë ku vuajtën me mijëra vetë, gra, burra dhe fëmijë.

Në këtë kamp vuajtën edhe figura të ndritura të kohës, si kardinali Mikel Koliqi, doktor Ali Erebara, doktor Mykerem Janina, profesor Ali Cungu, profesor Guljem Deda, shkrimtari Mithat Araniti, akademik Pader Lazi, ish- ministri i Arsimit, Zef Shiroka (vellai i doktor Shirokës) dhe të tjerë intelektuale që çdo ditë përpëliteshin mes jetës dhe vdekjes.

Kampi i internimit të Tepelenë u vendos buzë lumit Vjosa në të hyrë të Tepelenës, në anën perendimore, rrëzë kodrës stërmadhe që u zinte diellin kazermave të kampit.

Të ardhurit ishin familje me gra dhe fëmijë dhe të përqendruar në grupe në një kazermë ku numri i të iternuarve arrinte deri në 300-600 persona. Kazermat ishin vendosur njëra pas tjetërs duke e çuar numrin deri në 2300 të internuar gjithsej në të gjithë kampin.

Në kampin e Tepelenës aktualisht janë edhe dhjetra varre, kryesisht varre fëmijësh dhe numri arrin deri më 115 varre.

Në fund të vitit 1953 kampi i Tepelenës u mbyll, por fama e tij e keqe vazhdon të jehojë në kujtimet e lëna nga të mbijetuarit dhe nga përpjekjet e familjarëve të tyre për gjetjen e eshtrave të të vrarëve dhe dënimin e përgjegjësve.

Më 23 gusht, në Ditën Memorial të Tepenës, qindra persona, mes tyre ish të përndjekur dhe të mbijetuar përkujtuan viktimat e viteve të errëta të regjimit komunist në zonë.





Lajmet e fundit nga