web counter
LEXO PA REKLAMA!

SHKARKO APP

App Store
Google Play

E fundit!

x

Raporti para ndryshimeve në qeveri/ Zbardhet lista, kush janë ministrat më të dobët

24 Gusht 2018, 09:28, Aktualitet CNA

Instituti i Studimeve Politike ka publikuar dje një raport në lidhje me  efikasitetin e deputetëve të Parlamentit dhe të qeverisë.

Në raportin e ISP janë renditur ministrat me efikasë dhe më të dobët të qeverisë Rama. Sipas këtij raporti, për periudhën janar-korrik 2018, kabineti qeveriatr qëndron mes dy ekstremeve, Rama-Bushati.

Kryeministri Rama është vlerësuar me 33 pikë për angazhimin e treguar në Parlament, në debate publike dhe në zonën elektorale, ndërsa ministri i Jashtëm, Ditmir Bushati me 14 pikë.

Në raport thuhet se pas kreut të qeverisë, nivelet më të larta të efikasitetit referuar parlamentit i kanë ministrat Nikolla, Peleshi e Ahmetaj, ndjekur nga Xhafaj, Majko e Manastirliu në të njëjtën kuotë, 22 pikë. Nivelet më kritike i kanë ministrat e mbrojtjes dhe të jashtëm, kryesisht për shkak të natyrës së tyre të punës, si dhe në rastin e ministrit Bushati, edhe për shkak të penalizmit (- 5 pikë) nga Kuvendi lidhur me incidentet e ndodhura në seancë plenare në Kuvend.

Renditja ka edhe një tregues me rëndësi: çështjet më të debatueshme gjatë sesionit të fundit parlamentar kanë qenë çështjet e rendit publik (krimi, akuzat ndaj ministrave Tahiri e Xhafaj), të politikës së jashtme (bisedimet me Greqinë, Kosova, Jerusalemi, etj), çështjet e kulturës (teatri, trashëgimia, etj) apo çështjet energjetike dhe infrastrukturore (kontratat PPP në këta sektorë, privatizimet, inceneratorët, etj), ministrat përkatës kanë qenë më pak aktiv dhe kanë tregues më negativ të efikasitetit në përfaqësimin parlamentar.

Ndyshe nga deputetët, tek ministrat tabela me të dhëna të tilla janë vetëm orientuese dhe nuk demonstrojnë efiktivitetin real të tyre, për shkak se natyra e punës së ministrave, axhenda parlamentare dhe debatet në parlament midis opozitës dhe ministrave apo forma të tjera, si interpelanca, etj, në thelbin e tyre janë përcaktorë numerikë dhe jo sasiorë të paraqitjeve të tyre në seanca./ CNA.al





Lajmet e fundit nga