Drejtësia e skandaleve/ Llalla “dhëmbë për dhëmbë” me Arta Markun dhe Donika Prelën

24 Gusht 2018, 12:45, Aktualitet CNA

Ish- kryeprokurori i Përgjithshëm, Adriatik Llalla nuk ndalet së sfiduari drejtësinë.

Llalla po lufton ?dhëmbë për dhëmbë? me Prokuroren e Përgjithshme të përkohshme Arta Marku dhe drejtuesen e Prokurorisë për Krime të Rënda Donika Prela.

Për herë të parë në Shqipëri një ish-drejtues i lartë i Prokurorisë vendoset nën hetim. Adriatik Llalla u vu nën hetim me bekimin e kryeprokurores së përkohshme Arta Marku dhe mikeshës së saj të komanduar tek Krimet e Rënda, Donika Prela.

Organi i akuzës, ndaj ish-Prokurorit të Përgjithshëm, Adriatik Llalla, ka nisur hetimet për disa vepra penale si “shpërdorim detyre”, “deklarim të rremë të pasurisë” dhe “pastrim të produkteve të veprës penale”.

Hetimet fillimisht nisën në Durrës, dhe pas emërimit të Donika Prelës në krye të Krimeve të Rënda edhe hetimet e zhvendosën në Tiranë.

Në dosjen hetimore janë përfshirë të dhëna të marra nga ILDKPI si dhe zyrat noteriale. Hetimet u thelluan dhe në muajin korrik 2018 me anë të vendimin nr.179, datë 20.07.2018 të Gjykatës së Shkallës së Parë për Krime të Rënda Tiranë, u vendos pranimi i kërkesës së Prokurorisë, për vendosjen e masës së sigurimit pasurore ?sekuestro preventive? të pasurisë së paluajtshme që kap shifrën e 98.772.000 lekëve.

Pas këtij vendimi Llalla u zgjua dhe bëri ankesë pranë Gjykatës së Apelit për Krime të Rënda, por kjo e fundit me 9 gusht 2018, la në fuqi sekuestron.

Llalla nuk është ndalur këtu, por ka bërë rekurs në Gjykatën e Lartë, ku kërkon heqjen e sekuestros.

Llalla pretendon se bazuar në nenin 6 të Konventës Evropiane, është zhvilluar proces i parregullt ligjor.

Por, në Gjykatën e Lartë, duket se Llalla do të ?rehatohet? për një kohë të gjatë, pasi kjo e fundit ka mbetur vetëm me katër gjyqtarë, ndërkohë që janë qindra dosje për t?u proceduar.

Xhezair Zaganjori, Edmond Islamaj, Medi Bici dhe Ardian Ddvorani , janë gjyqtarët që i shpëtuan Vettingut, të cilët janë të detyruar t?u japin prioritet rasteve emergjente./CNA.al

Pasuritë në sekuestro preventive

-Apartament banimi, me sipërfaqe 67.2 m², ndodhur në Durrës;
-Tokë arë, me sipërfaqe 4.500 m², ndodhur në Tiranë;
-Tokë arë, me sipërfaqe 12.300 m², ndodhur në Tiranë;
-Tokë arë, me sipërfaqe 3000 m², ndodhur në Tiranë;
-Tokë arë, me sipërfaqe 2250 m², ndodhur në Tiranë;