web counter
LEXO PA REKLAMA!

SHKARKO APP

App Store
Google Play

E fundit!

x

Ia deklaronte vjehrra pasurinë/ Prokurorja me fuoristradë i shpall  “luftë” Komisionit të Vettingut

24 Gusht 2018, 15:02, Aktualitet CNA

Me 17 prill 2018, prokurorja e Shkodrës  Besa Nikëhasani doli para Komisionit të Vettingut, i cili  tre ditë më vonë, vendosi ta shkarkonte nga detyra.

Trupa  e KPK-ës,  që përbëhej nga Suela Zhegu, Genta Tafa (Bungo) dhe Pamela Qirko rivlerësoi më përparësi prokuroren Nikëhasani, për shkak të kandidaturës së saj në Këshillin e Lartë të Prokurorisë.

Sipas KPK-së, shkarkimi i prokurores erdhi për arsye, se nuk ka justifikuar burimin e  parave për blerjen e një apartamenti banimi në Shëngjin, Lezhë, si dhe për një apartament banimi në Tiranë, nuk ka justifikuar burimin e parave në shumën 2.029.700 lekë.

Po, sipas Komisionit të Vettingut , prokurorja Nikhasani nuk justifikonte as  burimin e parave as për blerjen e Autoveturës tip ?Toyota Land Cruiser?.

Vendimi i KPK ?së, është ankimuar nga prokurorja pranë Komisionit të Posaçëm të Apelimit.

Pas rreth 6 muajsh KPA, ka caktuar datën për shqyrtimin e ankimimit.

Me datë 12.09.2018, ora 09:30, do të gjykohet në dhomë këshillimi çështja nr. 6/2018 (JR) datë 21.06.2018 për ankimin që subjekti i rivlerësimit znj. Besa Nikëhasani ka bërë kundër vendimit nr. 15, datë 20.04.2018 të Komisionit të Pavarur të Kualifikimit.

Rasti  i Nikëhasanit do të jetë në duar të trupës gjykuese që  përbëhet nga gjyqtarët, Sokol Çomo, kryesues, relatore, Albana Shtylla dhe anëtarë,  Rezarta Schuetz, Natasha Mulaj e Ardian Hajdari?.

Si u mbrojt prokurorja para KPK-së?

Kujtojmë se KPK e shkarkoi prokuroren Besa Nikëhasani, për shkak se gjatë hetimeve kanë zbuluar se ajo ka gënjyer për një apartament në Lezhë me sip 130 m2.  Por, për këtë apartament, nuk ka pasur asnjëherë certifikatë pronësie, shkruan CNA.al. 

Ndërkaq prokurorja ka një tjetër pretendendim. Sipas saj  e ka pasur këtë apartament, i cili është prishur dhe është bërë një pallat i ri, por  KPK, pretendon se nga hetimi administrativ nuk kanë dalë fakte.

Gjithashtu KPK, ka thënë se Nikëhasani nuk ka burim pasurie për blerjen e automjetit një apartamenti dhe dy garazheve në Tiranë. 130 m2 apartament në Lezhë dhe apartament 140 m3 e dy garazheve në Tiranë dhe fuoristradës 19 mijë e 500 euro. Janë pa burim të justifikuara.

Prokurorja është munduar të justifikohet para KPK-së, po deklaratat e saj nuk kanë mundur të ndryshojnë qëndrimin e Komisionit të Vettingut

?Për dy garazhet nuk i kam fshehur, por i kam deklaruar në vitin 2009. Është një lapsus por vlera 90 mijë euro është për banesën dhe 2 garazhet. I bleva garazhet por se dija sa m2 do ishte. Noteri ka bërë një lapsus për një marrëveshje përfitimi që ne kishim brenda familjes nga shitja e një toke. Njëherë ma ka bërë vjehrra deklaratën e pasurisë. Nuk kemi pasur certifikatë pronësie për apartamentin e vjetër në Lezhë prej 130 m2. Ka qenë me leje ndërtimi që nga 2004. Kemi  blerë makinë të shtrenjtë për sigurinë time pasi dy herë na kanë përplasur me makinë.
Ajo nuk është makinë luksi. Nuk kemi pas qëllim të fshehim pasurinë. Në 20 vite dy herë kam shkuar me pushime. Jam e hapur për cdo pyetje. Kemi harruar të deklarojmë shitjen e një makine Golf 3. Por e ka deklaruar pastaj burri. Në 2003 na kanë vënë tritol tek makina?, është justifikuar Nikëhasani para Komisionit të Vettingut.

Tashmë do të jetë KPA që do të vendosë fatin professional të prokurores Besa Nikëhasani./CNA.al





Lajmet e fundit nga