E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga opozita e PS-së tek PD/ Kush janë kopjet e Tahirit, Ballës dhe Braçes?

18 Gusht 2018, 18:22, Aktualitet CNA

Kur e majta ishte në opozitë, tre nga zërat më të fortë që bënin opozitarizëm ishin Saimir Tahiri, Taulant Balla dhe Erion Braçe, të cilët pas ardhjes së PS-së në pushtet, morën edhe shpërblimin e tyre nga Rama.

Saimir Tahiri, mori shpërblimin e tij, duke mbajtur për rreth katër vite, detyrën e ministrit të Brendshëm.

Taulant Balla, një zë mjaft aktiv qoftë në parlament, në daljet për mediat apo edhe në rrjetet sociale, po ashtu ka marrë shpërblim nga Rama, duke e bërë kryetar të grupit parlamentar të socialistëve dhe sekretar i përgjithshëm i PS-së.

Ndërsa, Erion Braçe është një nga luftëtarët më të mëdhenj kundër Berishës dhe në kohën e opozitës socialiste ishte ndër zërat më të fortë dhe më aktivë. Me ëndrrën për tu bërë ministër Bujqësie, është i vetmi që mbeti pa marrë kolltuk ministri, apo pa marrë ?shpërblimin? e duhur nga kreu i qeverisë. Megjithatë ai mban postin e kryetarit të Komisionit Parlamentar të Ekonomisë.

Të tre zërat më aktivë të PS, kanë marrë shpërblimin e tyre, për opozitarizmin e tyre. Por, duke parë aktivitetin e sotëm politik, ne të CNA.al kemi zbuluar se kush janë Tahiri, Balla dhe Braçe në PD.

E nëse Lulzim Basha vjen ndonjëherë në pushtet, që me të në krye, PD i ka shancet e pakta, ata që janë sot zërat e fortë opozitar, pritet që ashtu sic ndodhi me PS-në të marrin ?shpërbilmet? për aktivitetin e tyre politik.

Deputeti i video-skandalit erotik, Ervin Salianji është nga zërat më aktiv, njësoj si Saimir Tahiri kur ishte në opozitë. Kuptohet që nuk ka peshën e Tahirit, por nesër neës Luli vjen në pushtet, ai do të jetë ministër i Brendshëm. Nuk e kemi të vështirë të zbulojmë edhe ?Taulant Ballën? e PD-së.

Askusht nuk ka dyshime, Klevis Balliu do të shkëlqente si numri dy i PD-së dhe kreu i grupit parlamentar.

Një nga njerëzit aktivë, por që do ngelet pa post ministror, dhe që do zhgënjehet ashtu si Braçe, me shumë gjasa është Myslim Murrizi.

Në qoftë se dikush ka kundërshtime, nuk pranojmë ndryshime vetëm për dy emrat e parë./ CNA.al-Satirë politike