web counter
LEXO PA REKLAMA!

SHKARKO APP

App Store
Google Play

Gjekmarkaj nxjerr të paaftë Bashën/ Ja kush ishte Berisha dhe ç’bënte për PD

18 Gusht 2018, 11:07, Aktualitet CNA

Lideri historik i Partisë Demokratike Sali Berisha në një opinion të profesorit Agron Gjekmarkaj është quajtur politikani i cili rithemeloi dhe bashkoi partinë e tij, e risolli në pushtet, duke nxjerrë në këtë mënyrë në pah paaftësinë e kreut aktual të saj, Lulzim Basha.

Në një kohë që duhet të rifitonte besimin, Gjekmarkaj shkruan se opozita ka 5 vjet që është venitur e mpakur.

Ai ka sjellë në vëmendje një tubimin e bërë nga opozita në vitin 2000 dhe fjalimin e Preç Zogajt, me titull ?Populli po pret opozitën?.

?PD ka pesë vjet në opozitë, kohë jo e pak të për të rifituar vëmendjen e shoqërisë dhe shtuar konsensusin. Nuk ka ndodhur, përkundrazi, ai është mpakur e venitur. Kryeministrin ajo e mund vetëm duke i zvogëluar mbështetjen dhe bindur votuesit të ndjekin atë në vend të tij. Më kujtohet aty nga viti 2000, në Pallatin e Kongreseve, u bë një tubim i opozitës me intelektualët. Nismë e lëvdueshme, sidomos në ato kushte. Preç Zogaj pat mbajtur një fjalim, titulli i të cilit më ka mbetur në mendje, ?Populli po pret opozitën?.

Kjo ishte e vërtetë. Në zgjedhjet e vitit 2001, asaj iu vodhën 17 mandate, fakt që tregonte peshën e saj në rritje. Gjatë viteve 2001-2005, Sali Berisha ndryshonte çdo ditë. Ai bëri cirk imazhi e makijazhi. Pa e deklaruar, e rithemeloi e bashkoi partinë e tij, por mbi të gjitha e pasuroi me njerëz dhe ide, aq sa pas pritjes populli u kthye tek ajo. E risolli në pushtet?, skruan ndër të tjera Gjekmarkaj. /CNA.al





Lajmet e fundit nga