web counter
LEXO PA REKLAMA!

SHKARKO APP

App Store
Google Play

E fundit!

x

Stuhi e fortë/ Fermerëve u shkatërrohen prodhimet

18 Gusht 2018, 16:25, Aktualitet CNA

Stuhia e fortë e shoqëruar me breshër mbremjen e së premtes ka shkaktuar dëme të mëdha në të gjithë fshatrat e njësisë administrative Allkaj, në bashkinë e Lushnjes.

30 minuta kanë qenë të mjaftueshme për të hedhur në tokë jo vetëm prodhimin e rrushit pak ditë para vjeljes, por forca e stuhisë ka këputur dhe shtyllat e betonit, shkruan Report Tv.

Dëmet për familjet fermere të kësaj zone janë të pallogaritshme, pasi u është dëmtuar i gjithë prodhimi. Probleme janë shkaktuar edhe në kultura të tjera, si mollë, dardhë e misër.

Nga të dhënat paraprake të marra në terren, janë dëmtuar plotësisht mbi 70 hektarë vreshtari dhe kultura të tjera bujqësore.

Fermerët kanë mbetur të shokuar nga kjo fatkeqësi e natyrës, ndërsa më të vjetrit shprehen se nuk e kanë parë prej vitesh këtë lloj katastrofe natyrore.

?Si sivjet kurrë në jetën time. Aq breshër i madh të ishe në rrugë menjëherë vdisje. Unë kam 5 dynym, plak pensionist, iku rrushi im. Unë kam 1 hektarë, shpenzimet shkojnë deri në 7 milionë lekë, e gjitha iku në dava 20-25 minutash. Mendonim t?i vilnim për punë 3-4 ditësh. Breshëri filloi në 6, 6 e 30, breshër i paparë?, shprehet njëri prej fermerëve.

 

 

 

 

 





Lajmet e fundit nga